Oitavo número do vozeiro do Grupo de Base de Trasancos
Julho de 2010
O Grupo de Base de BRIGA em Trasancos vem de tirar do prelo a ediçom número 8 do seu vozeiro comarcal, o COMBATE.
Os conteúdos deste novo número recolhe as diversas agressons das que está a ser alvo a juventude trabalhadora galega. Os elevados índices de desemprego, a reforma laboral ou os ataques ao nosso idioma que está a abandeirar o governo Feijó, som claros exemplos da ofensiva burguesa e espanholista que sofremos no nosso dia a dia.
As análises verquidas polo Grupo de Base de BRIGA em Trasancos a respeito da adversa conjuntura política que atravessamos desembocam na praxe conseqüente da militáncia, recolhendo umha boa prova gráfica da actividade agitativa realizada no derradeiro trimestre.
Desta volta, Óscar Peres Vidal ,-membro da Executiva Comarcal da CIG em Trasancos com a responsabilidade da Mocidade, Comunicaçom e Propaganda-, foi a pessoa escolhida para ser entrevistada sobre a situaçom laboral da juventude nestes momentos de crise capitalista e o papel da juventude obreira organizada no sindicato.