BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA participa da convocatória unitária contra as touradas em Ponte Vedra

imagem

Julho de 2010

Como já começa a ser tradiçom desde o ano 2007, a juventude rebelde organizada participaremos da mobilizaçom contra as touradas convocada para o próximo Sábado dia 31 na cidade do Leres.

A recente aprovaçom no parlament catalám da ILP que proibe a tortura de touros nas festas espanholas confirma umha série de argumentos que o movimento anti-touradas leva defendendo muitos anos, especialmente que a luita acaba dando frutos. Sem querermos confundir a aprovaçom institucional da proposta com a erradicaçom real das touradas, nom deixa de ser um passo avante, e reforça o compromisso de tod@s @s jovens que procuramos um lazer criativo, longe de espectáculos sádicos e crescidos ao calor do ministério de cultura franquista.

A proliferaçom de espectáculos alienantes, violentos, xenófobos, machistas, que impedem toda possibilidade de intercámbio ou criaçom colectiva, está a alcançar níveis alarmantes. A recente operaçom de camuflagem da crise e de expansom de espanholismo racista que supujo o mundial de futebol é só um exemplo desta clássica receita do capitalismo: Dirigir a atençom do povo trabalhador face macro-eventos enquanto carrega no seu lombo os piores custos.

Se algo começa a ser já tradicional em Ponte Vedra nom som as touradas, mas a oposiçom às mesmas. Do mesmo jeito que grandes sectores do nosso povo estám a defender a nossa língua dos ataques do espanholismo, também na nossa cidade medra o rechaço activo à imposiçom desta festa alheia, violenta e assimilacionista.

Por último, queremos celebrar o cessamento das atitudes que provocárom a divisom do movimento na localidade, o qual a ninguém pode beneficiar a excepçom do empresariado taurino e os locais nocturnos que se lucram dando suporte às touradas.

A seguir, reproduzimos na íntegra o manifesto unitário:

A TORTURA NOM É ARTE NEM CULTURA. POLA ABOLIÇOM DAS TOURADAS

As touradas estám baseadas na tortura, a dor e a crueldade com o touro. Transmitem valores negativos, como o uso injustificado da violência, o desprezo dos direitos dos animais, o gozo com a tortura e o maltrato animal. Segundo a Declaraçom universal dos direitos dos animais, artigo 11: "todo acto que envolver a morte de um animal sem necessidade é um biocídio".

As tradiçons devem funcionar como suporte do que nos define e constrói, mas também do que esperamos no futuro. Aquelas que estám sustentadas na violência e no aniquilamento nom fam mais que perpetuar comportamentos que devem ser rejeitados pola sociedade.

Aliás, para os galegos e as galegas, as touradas nom tenhem nada a ver com a nossa história nem com a nossa cultura, cheia de tradiçons populares que esmorecem e que sim som dignas de recuperaçom.

AS TOURADAS PAGAMO-LAS TODAS/OS: 564 milhons de euros de ajudas públicas em 2010

As temporadas taurinas, as escolas e as gadarias som financiadas com dinheiro público que também pagamos as galegas e os galegos, que quem menos interesse temos nas touradas em todo o Estado. Segundo diversos inquéritos, 90% consideramos que a tortura dos animais como divertimento deve ser suprimida, e a imensa maioria da populaçom nunca assistimos nem assistiremos a umha corrida de touros.

Por todo isto demandamos:

1. O cessamento imediato de ajudas encobertas às touradas por parte de todas as instituiçons públicas, nomeadamente a Deputaçom de Ponte Vedra, principal suporte público na nossa cidade.

2. Que o Parlamento da Galiza modifique a Lei 1/1993, de Protecçom de animais domésticos ou selvagens em cativeiro, que exclui no seu artigo 5º as touradas, para que proíba estas actividades.

3. O cessamento do uso de espaços públicos para a promoçom das touradas, assim como a supressom nos programas de festas editados pola nossa cámara municipal.

4. A declaraçom de Ponte Vedra como "Cidade antitouradas e amiga dos animais".

5. A reconversom da praça de touros num coliseu para espectáculos culturais e concertos.

CONVOCAM: APDR , ADEGA, BRIGA, C. Ecoloxista do Salnés, Coordenadora Antitouradas de Ponte Vedra, CNT , C.S Revira, Galiza Nova, Plataforma Antitouradas de Ponte Vedra, NÓS-UP, Os Chichisos, Protectora "Os Palleiros", Vaipolorio, Verdegaia.