Manifestaçom exigiu fim das touradas em Ponte Vedra e na Galiza

Agosto 2010

Centenas de manifestantes, com destaque para as camadas mais jovens, percorrêrom Ponte Vedra o passado Sábado reclamando a aboliçom das touradas espanholas na cidade e na Galiza. A manifestaçom, que ultrapassou amplamente em número à convocatória do ano passado, marchou entre consignas e a música interpretada polo grupo Os Chichisos. Entre as palavras de ordem pudêrom escuitar-se “Nom é cultura, é tortura”, “Touradas fora da Galiza”, “José Tomás, assassino”, “Tortura animal, benefício empresarial”, “Na Galiza, festas galegas”, “A juventude nom quer touradas” e “Fora, fora, fora as festas espanholas”.

De BRIGA achamos muito positiva a continuidade que está a amosar o movimento anti-touradas pontevedrês, que por terceiro ano consecutivo mantém a mobilizaçom durante a celebraçom desta festa imposta, financiada e protegida pola extrema direita política e social.

Também merece destaque que desta volta e por primeira vez, a convocatória nom parte de nengum dos dous colectivos antitouradas existentes na cidade, mas dum chamado conjunto e mais amplo que somou a colectivos ecologistas de ámbito local, que se unirom a outros sectores que como o independentismo levam desenvolvendo actividade anti-touradas desde há quase um lustro.