Apresentada denúncia contra a polícia espanhola

Agosto de 2010

Esta mesma manhá efectivizava-se, nos julgados de Fontinhas, a demanda judicial imposta pol@s jovens selvagemente agredid@s durante a mobilizaçom da passada Jornada de Rebeliom Juvenil contra os agentes da polícia espanhola que participárom na carga. Os integrantes da VIII Unidade de Intervençom Policial (cuja identificaçom terá que ser oficiada pola comisaria da polícia espanhola em Compostela) som acusados dos delitos de “perturbaçom grave do desenvolvimento dumha manifestaçom lícita ou contra os direitos cívicos e delito de lesons”.

Junto a denúncia aportou-se abundante material audovisual que recolhe os empurrons e a constante atitude provocadora por parte dos antidistúrbios já desde o mesmo começo da manifestaçom, assim como a crueldade e sanha empregada durante a carga policial. Além do mais adjuntárom-se os partes médicos e as fotografias de todas as lesons d@s denunciantes, as quais resultáram de tal gravidade que precisárom de assistência médica inmediata.

Dito procedimento ordena também que a Subdelegaçom do Governo na Corunha remita o informe sobre as instruçons dadas à polícia espanhola relativas à manifestaçom de BRIGA, indicando se deu autorizaçom de cargar contra @s jovens e, em caso positivo, baixo que motivaçom.

Ao tempo, às portas do julgado compostelano tinha lugar umha concentraçom solidária com umha faixa na que se podia lêr “Nom à repressom contra a juventude”. O grupo de jovens manifestárom a sua solidariedade com @s companheir@s, conscientes da contínua repressom da que é alvo a juventude da esquerda independentista galega, assim como a decidida aposta de nom claudicar ante os contínuos abusos destes cans da burguesia e do espanholismo que impedem e atacam constantemente o direito básico e irrenunciável da juventude organizada: O direito à mobilizaçom, o direito de ocupar as ruas.

FORA AS FORÇAS DE OCUPAÇOM!!