BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas

Agitaçom pola Greve Geral

imagem

Campanha Tempo de crise, tempo de luita

Setembro de 2010

BRIGA segue agitando contra a imposiçom de umha reforma laboral ao serviço do capital nas vilas e cidades galegas contribuíndo assim com passos reais e tangíveis face a sua socializaçom e no chamamento à participaçom e à luita numha jornada onde a classe trabalhadora tem de ser a protagonista absoluta.

Nos últimos 28 anos a classe obreira protagonizou já dez greves gerais, a primeira delas em Fevereiro de 1984 e a última a que tivo lugar 20 de Junho de 2002. Desta volta no 29 de Setembro reagiremos de novo contra os mesmos inimigos. Contra medidas nas que mais umha vez se afortala a linha do demandado polo patronato espanhol, leis que aprofundizam a via de aumentar o seu poder deteriorando as condiçons de vida do conjunto d@s trabalhadoras/es.

Se permitimos que o roteiro da patronal seja aplicado, as sucessivas conseqüências da crise serám aplicadas sem piedade sobre nós: Precariedade, baixos salários, temporalidedade, desemprego... No caso da juventude galega a burguesia está a despedir-nos em massa para minimizar os custos que provocou a ánsia acumuladora que a caracteriza, mas ao tempo é capaz de atrever-se com a argumentaçom de que a responsabilidade reside num mercado laboral que nom permite umha suficiente flexibilidade. Nom podemos aceitar as suas chantagens sem respostar, é suicida acreditar em mitos como a coesom social, a recessom passageira ou como dim alguns que as greves gerais som algo do século XIX.

AVANTE A GREVE GERAL!!!

ACABEMOS COM A RAPINA BURGUESA!!

A LUITA É O ÚNICO CAMINHO!!

Ver também a campanha: Tempo de crise, tempo de luita