Concentraçom na Corunha contra agressom homófoba

Setembro de 2010

BRIGA chama a participar na concentraçom convocada para amanhá, dia 17 de Setembro, às 20h na corunhesa Praça do Obelisco em repulsa contra a agressom homófoba que padecérom dous jovens o passado fim de semana.

Os moços fôrom increpados e espancados brutalmente por um grupo de rapaces mentres passeavam com total naturalidade polos Jardins de Méndez Núñez. O resultado da agressom fôrom numerosas contusons, chegando a romper-lhe o nariz e os dous braços a um deles. Mas o lamentável do incidente nom rematava com este ataque se nom que continuaria mais umhas horas com a despectiva actuaçom policial, atitude comum e própria dos cans dos interesses burgueses.

O ódio ao diferente segue tendo espaço entre a juventude disparando na nossa organizaçom todos os alarmes. Umha educaçom sexual coerente é o único que pode rachar com a contínua normalizaçom e cobertura da repressom e da violência sexual, seja com o papel despreciativo das forças de ocupaçom ícones actuais do macho e do chulo heterossexista, as actuaçons judiciárias que deixam em liberdade a um terrorista homófobo que assesta 52 punhalas ou a oferta de espaços públicos a homófobos declarados.

A homofobia tem de ser repostada contundentemente, esta opressom tem de ser denunciada e combatida, a luita contra a lesbigaitransfobia na Galiza e por umha plena emancipaçom humana é um dos maiores reptos que a juventude devemos superar, pois mais umha vez a realidade é bem diferente aos tam cacarejados inquéritos da socialdemocracia.

Nengumha agressom sem resposta!!