Consuma-se montagem de ultras e polícia contra militante de BRIGA

Setembro de 2010

Como já informamos há um par de semanas, um companheiro nosso foi julgado em Ferrol por umha falta de ameaças a umha membro do colectivo espanholista Galicia Bilingüe.

Como toda obra de teatro, era de aguardar um desenlace. Depois do guiom desenhado pola polícia espanhola e da actuaçom d@s ultras de Galicia Bilíngüe no cenário do Julgado, ainda ficava a entrada em cena de fieis intérpretes de reparto: a imprensa burguesa e espanholista e a justiça.

Os principais jornais espanholistas de grande difusom na Galiza, como som La Voz ou El Correo, encarregárom-se de dar-lhe o morbo necessário a estes pequeno circo difundindo a identidade do nosso companheiro com nome e apelidos para sinalá-lo como "um reconhecido militante independentista" que nom tem outro interesse mais que queimar carros de neofascistas e renegad@s.

Através destes meios e sem notificaçom pessoal do Julgado, o jovem imputado conheceu o resultado da sentença condenatória. Segundo os meios e, à espera de confirmaçom, umha sançom económica de 60 € e um dia de arresto domiciliário som as medidas utilizadas polo juíz para castigar a atitude irrespeituosa do jovem com a fanática espanholista. O mesmo juíz que nom se cansa de aceitar a trámite todo tipo de processos políticos que apontam à militáncia da esquerda independentista organizada na comarca de Trasancos, demonstra o bom entender da judicatura espanhola com este tipo de colectivos neofascistas, que sentindo-se indefensos na sua actividade de rua procuram o acubilho judiciário denunciando de maneira esperpéntica a mínima situaçom de confronto.

Desconhecemos se há mais processos judiciários abertos contra a juventude rebelde organizada em BRIGA derivados da sua activa defesa do idioma na rua, mas a infame irmandade de renegad@s anúnciam que há novas denúncias em curso.

Pésie a que no juízo a membro de Galicia Bilingüe fazia um chamamento à tranqüilidade à hora de afrontar o conflito lingüístico, com este tipo de batalhas abertas, nom fai mais que armar de argumentos a quem defende coerentemente o nosso idioma dos seus inventos de realidades paralelas nas que é o "galego que se impom nas escolas" ou onde a juventude é "adoutrinada na ideologia nacionalista" (galega, supom-se), e demais barbaridades do estilo. Feitos que no mundo real, mudam ao invés, o espanhol é quem anega absolutamente todos os espaços da nossa vida e saímos da escola com a cabeça bem machacada pola ideologia nacionalista espanhola.

De BRIGA expressamos a nossa solidariedade com o nosso companheiro repressaliado e animamos à juventude galega comprometida com o seu idioma a continuar na luita sem trégua ao novo fascismo na Galiza de 2010.

Canha ao espanholismo!!

Galicia Bilingüe, inimigos do idoma galego!!