Grupo de Base de Vigo começa agitaçom propagandística.
Outubro de 2010
Após a intensa campanha de agitaçom realizada nas semanas prévias à Greve Geral, o Grupo de Base de BRIGA em Vigo continuou, durante este mês de Outubro, com a realizaçom de murais em apoio à luita obreira e dando a conhecer os métodos e objectivos que, no plano juvenil, persegue o MLNG.
Assim, neste mês que já finaliza, dedicamo-nos a encher às paredes das ruas da nossa cidade, carentes de mensagens político-ideológicos. Desta volta, foi o anuncio do objectivo estratégico do nosso movimento e o caminho para chegar a ele o que ficou tatuado nas paredes, contribuindo assim à divulgaçom da necessidade de umha revoluçom socialista e o único caminho possível para a conseguir: a luita.
Pretendemos assim iniciar umha agitaçom propagandística-ideológica que, sob as diversas temáticas que caracterizam a nossa luita integral (independência nacional, socialismo e feminismo) dialécticamente relacionadas e integradas numha, vaiam criando a atmosfera necessária para os combates que nos esperam, assim como para dar a conhecer a alternativa da juventude revolucionária da esquerda independentista organizada em BRIGA.
Avante as cores da rebeliom juvenil!!