Inauguraçom em Vigo do Centro Social comunista LUME!
Novembro de 2010
BRIGA saúda a inauguraçom do centro social comunista LUME! no bairro do Calvário de Vigo que terá lugar o vindouro sábado 27 de Novembro. Nas suas próprias palavras “LUME! quer promover o dinamismo no bairro e na cidade na que se insere, o associacionismo obreiro e de base, a defesa da nossa língua e da nossa cultura nacional, além de servir como espaço de lezer e desfrute para todas as pessoas que se acheguem (...) Promoveremos a cultura obreira e popular que, junto com a ética comunista e revolucionária que deve tingir as nossas actividades e o nosso agir diário, faga frente aos padrons impostos polo sistema capitalista”
A jornada de apertura dará começo com um jantar popular ao que lhe seguirá a apresentaçom do livro recentemente editado por Abrente Editora 24 homens e mais nada, sobre a captura do barco português Santa Maria em 1961 em protesto contra as dictaduras de Franco e Salazar, de mau dum dos próprios protagonistas o galego José Fernades, “o comandante Soutomaior”.
Às 19h terá lugar a apresentaçom oficial que dará passo ao recital poético organizado polo Grupo de Base de Vigo e a umha necessária e de grande actualidade palestra sobre a situaçom do Sáara com companheir@s saarauis. A velada rematará com um foliada.