A Constituiçom espanhola é a nossa ruína!!

Dezembro de 2010

Arquivo gráfico

Há na Galiza umha juventude emudecida que nom defende a Constituiçom espanhola. Mas nem só. Tampouco a quer, rejeita-a activamente e pretende mudar os destinos da nossa Pátria afora do quadro político espanhol. E essa juventude expressa-se nas ruas, nas aulas, no trabalho, no desporto e no lazer, na cultura e nas nossas relaçons pessoais todas.

Somos essa juventude em silêncio que quer falar. E boicotando os símbolos dos poderosos fazemo-lo. Apagando das nossas ruas a falsa imagem de paz social.

Nom queremos papel molhado. Queremos direitos para a classe trabalhadora. Queremos poder exercitá-los e poder ordenar a sua validez e eficácia. Queremos removê-los e implantá-los; mexer a tinta no papel até que nom permita a exploraçom de classe, nem a dominaçom patriarcal, nem a opressom nacional. Queremos um Povo livre com umha juventude sá, em pé, e inimiga da inércia do poder adulto.

À juventude rebelde nom lhe valem normativas espanholas, burguesas e patriarcais. Queremos escrever nós a Galiza de amanhá. E para visibilizar a raiva contra a norma que nos impujo um marco económico capitalista cumpre boicotar simbolicamente a Constituiçom que este mês celebram os mafiosos, os ladrons, os burocratas, os saqueadores e terroristas, os acomodados e fascistas.

NOM À CONSTITUIÇOM ESPANHOLA!