Saudaçons IV CN
Fevereiro 2011
Colamos a seguir na rede algumhas das saudaçons recebidas com motivo do IV Congresso Nacional. Em nome de BRIGA, agradecemos imenso estas pequenas mostras de irmandade que permitirám afortalar os laços nos próximos anos, quer a nível nacional ou internacional.
CS Gomes Gaioso - A Corunha
Companheiras e companheiros:
Nos difíceis dias de hoje, em que o futuro da naçom galega apenas se pode ver através da óptica da luita, e porque sabemos que vós e nós estamos do mesmo lado da trincheira, do Centro Social Gomes Gaioso queremos-vos enviar um carinhoso e forte saúdo nesta cita que, para vós, supomos que representa uniom e avanço.
Opinamos isto porque estamos cientes de que desde que BRIGA nasceu estes som os valores que se apreciam desde fora e que valorizamos da vossa organizaçom, para além da juventude, combatividade e originalidade com a qual nos consta que BRIGA nasceu, num contexto de organizaçom juvenil em que BRIGA mudou o rumo desta com um original trabalho setorial.
Estes valores som os que reconhecemos e dos que nos privilegiamos ao contar no nosso projecto com a vossa presença. Sem BRIGA o Gomes Gaioso quiças nom teria sido possível, sem vós hoje, o Gomes Gaioso nom seria o mesmo, camaradas, a nossa é a vossa casa.
Vivá o IV Congresso Nacional de BRIGA!
Vivá a juventude revolucionária galega!
Vivá Galiza ceive, socialista e antipatriarcal!
Jaleo - Andaluzia
Saúde camaradas galegas e galegos. Devido à distáncia que nos separa nom é fácil estar com vós, mas nom por isso queriamos deixar de estar presentes de algumha maneira. Embora os nossos povos estejam longe e sejam mui diferentes, som muitas as cousas que nos achegam. Ambos somos povos maioritariamente trabalhadores, ambos estám oprimidos nacionalmente polo mesmo estado, ambos povos vírom e seguem a ver marchar muit@s d@s seus filhos e filhas a outras zonas do mundo onde podiam ter um posto de trabalho, cousa que a sua terra, por um motivo ou outro, lhes negou.
Ambos povos vivem meio engandos por partidos políticos espanhóis herdeiros do franquismo sob umha suposta democracia que nom é senom continuismo. Ambos povos já conheciam isso que os meios de comunicaçom chamam “a crise” porque basicamente os nossos povos sempre vivírom em crise. Agora a situaçom tem-se agravado mais se cabe, mas a andaluzes/as e galega@s nom é nada que nos venha de novo. Ademais, a mulher nos nossos países continua a estar subjugada ao home e sofrindo violência de maneira brutal, sofrindo em silêncio e com a cumplicidade das oligarquias reaccionárias.
É por isso que tendo problemas e agrávios parecidos e umha situaçom sociocultural totalmente distinta, a soluçom para esses problemas passa de jeito único pola independência, o socialismo e o fim do patriarcado nos nossos países. É por isso que se as barreiras da distáncia e o idioma nos alonjam, bem é certo que o nosso espírito revolucionário e as nossas ganas de luitar por dotar às nossas naçons dum sistema justo para a classe trabalhadora, nom só nos achega, como também nos irmanda.
Ainda, esperamos que este congresso sirva para avançar na luita cara a independência como via ao socialismo, e ajude a organizaçom a pôr em prática um trabalho correto. No momento atual, fai-se cada vez mais necessário que cada organizaçom revolucionária realize umha análise que lhe ajude a desenvolver o seu labor com eficácia, e cada congresso deve supor umha melhora na luita que leva a cabo a juventude galega revolucionária, futuro imprescindível na libertaçom nacional, de classe e gênero de Galiza.
Sem mais, um saúdo dos vossos camaradas e das vossas camaradas de Jaleo! Desde Andaluzia.
Viva o internacionalismo proletário!
Viva a luita dos povos oprimidos!
Viva Galiza Ceive e Socialista!
CS Lume!- Vigo
Saúdos companheiras e companheiros,
É umha grande satisfaçom para o Colectivo LUME! acolher no nosso Centro Social e na nossa cidade o IV Congresso da organizaçom juvenil da esquerda independentista e socialista. É um prazer, de verdade, porque este projecto social vai ligado intimamente ao trabalho de BRIGA e os seus objectivos imediatos e estratégicos. Formamos parte, nascemos do vosso esforço junto com as outras organizaçons e movimentos sociais que configuram o MLNG.
O caminho nom foi doado, houvo que dar batalha em multidom de ocasions, houvo que exercer resistência, houvo que ganhar-se o espaço que vos merecedes, que nos merecemos. À vez que BRIGA acaba de aprovar uns textos que tentam levar à prática o caminho iniciado em 2004, novas geraçons de jovens trabalhadores/as e revolucionários/as vam construindo o caminho, vam organizando-se para enfrentar a ofensiva do capitalismo impulsada pola sua burguesia, contra a Espanha cárcere dos povos que pelejam pola sua independência, abrigo patriarcal que oprime, explora e prepara ideologicamente o assassinato das mulheres.
Para o Colectivo LUME! é muito importante este IV Congresso, pois som as tarefas imediatas que temos diante, os compromissos e luitas que já venhem, o que nos leva a trabalhar diariamente para desenvolver esta comarca, espalhar o nosso projecto revolucionário, penetrar no tecido social da classe trabalhadora e mostrar, conviver, formar novas militantes para ter cada vez mais força, um movimento social que medre e avance face a queda histórica do capitalismo, a contruçom de umha sociedade sem classes, com justiça social, feminista e no marco de umha Galiza livre.
Continuaremos a construir e luitar.
Viva BRIGA!
Viva Galiza Ceive, Socialista e nom Patriarcal!
Denantes mort@s que escrav@s!
Maulets e Cajei - Països Catalans
Saúdos companheir@s!
De Maulets e Cajei, as organizaçons juvenis da esquerda independentista catalana, mandamos-vos um caloroso abraço revolucionário. A dia de hoje, as ofensivas do capitalismo e do imperialismo som mais agressivas do que nunca. Desemprego juvenil, violência de gênero, contratos precários, agressons fascistas, repressom policial, ataques à língua... Estamos a viver como em toda Europa os e as jovens trabalhadoras se estám a erguer contra esta situaçom. Estám a dizer basta! Este sistema afunde e nós nom queremos afundir com ele. Porque nós cremos na justiça, cremos na igualdade e cremos na liberdade.
É por isso que, aproveitando o vosso IV Congresso Nacional, queremos transmitir-vos o nosso firme compromisso a continuar luitando junto com BRIGA, para conseguir que algum dia Galiza e os Països Catalans sejam dous povos livres num mundo livre.
Viva Galiza Ceive!
Visca els Països Catalans lliures!
Maulets, el jovent independentista i revolucionari
CAJEI, coordinadora d'assemblees de joves de l'esquerra independentista.
Regüelta - Cantábria
Saúdos companheir@s!
Desde Regüelta, a organizaçom juvenil da Isquierda Cántabra, queremos-vos enviar um saúdo internacionalista no vosso IV Congresso Nacional.
Os nossos povos atravessam umha situaçom complicada, a crise económica está gerando umha situaçom insostível para a juventude trabalhadora. Em Cantábria está-se vivendo umha situaçom de crise social que está a obrigar a juventude a emigrar ou assumir umha situaçom de precariedade sem limites. Os e as jovens organizadas deste país, estamos tratando de gerar umha resposta revolucionária às pretensons de aqueles que durante décadas expoliárom a nossa terra e levárom-nos aonde estamos hoje.
A Isquierda Cántabra, o nosso movimento socialista e independentista, está a trabalhar em todos os frentes para parar os pés às reformas sociais e permitir que o nosso projecto político poda avançar. Nesse sentido, entendemos que é necesario desenvolver um sindicalismo cántabro e de classe, que representa na atualidade a Intersindical Cántabra.
Como vós, entendemos que o único caminho possível agora é a luita face a construçom do socialismo e a independência. Confiamos em que seguiredes combatendo pola liberdade da vossa terra e da vossa classe como nós aquí o faremos.
Recebei um afetuoso saúdo desde Cantábria.
Regüelta.
Yesca - Castela
Saúdos revolucionários e que vaia bem o IV Congresso Nacional!
Desde a organizaçom juvenil castelhana Yesca queremos mandar o nosso sincero apoio à juventude revolucionária e combativa de Galiza neste IV Congresso de BRIGA. Hoje, quando a repressom, a opressom nacional, a precariedade e a exploraçom da juventude nom fai mais do que aumentar, a organizaçom dumha resposta coerente em pós da transformaçom social dos povos é mais necessária do que nunca. O compromisso militante com Galiza e com a vossa gente deve ser cada vez mais largo, porque só mediante a organizaçom e a luita nos colectivos revolucionários podemos melhorar, construir, vencer.
Desde a Castela comuneira recebede um abraço, um abraço polo socialismo e a liberdade dos povos oprimidos.
Viva Galiza Ceive e Socialista!
Yesca