Mais saudaçons ao IV CN
Fevereiro 2011
Adicionamos a seguir mais três saudaçons recebidas desde o País. Neste caso som as da Fundaçom Artábria, Siareir@s Galeg@s e a associaçom Amig@s da Cultura.
Agradecemos a elas o seu reconhecimento.
Fundaçom Artábria
Car@s amig@s , car@s companheir@s ,
Da Fundaçom Artábria queremos transmitir-vos umha calorosa e fraternal saudaçom neste IV Congresso que decorre hoje em Vigo. Lamentavelmente, foi impossível acompanhar-vos nesta nova cita congressual, mas tínhamos obrigraçom de estar presentes ainda que só fosse por meio desta breve saudaçom.
E dizemos que temos essa obrigraçom porque os nossos caminhos estám intimamente ligados desde aquele 16 de Outubro de 2004, quando tinha lugar o vosso congresso constituinte no nosso Local Social. Quase sete anos depois da realizaçom em Ferrol daquela assembleia, BRIGA e a Fundaçom Artábria continuam compartindo espaços de luita, principalmente na defesa da nossa língua e cultura nacional.
Como dizia aquele militante revolucionário “A argila fundamental da nossa obra é a juventude, nela depositamos a nossa esperança e preparamo-la para tomar das nossas maos a bandeira”. Por isso nós dizemos, avante com BRIGA!, avante a juventude rebelde e combativa!
Trasancos, 8 de Fevereiro de 2011
(II Aniversário da jornada de luita nacional na defesa do nosso idioma)
Siareir@s Galeg@s
Companheiras e companheiros de BRIGA, antes de nada queremos pedir desculpas por nom ter assistido nesta ocasiom nengum/ha membro de SSGG pessoalmente ao vosso CN, convite que sempre agradecemos enormemente.
O nosso colectivo, que acreditamos que mais que nosso é de todas as galegas e galegos, leva dous anos fazendo um enorme esforço para organizar o jogo da selecçom galega, aliás de outras campanhas a prol do desporto galego. Nesta nova etapa de repressom por parte do governo do PP cara qualquer signo identitário do nosso País, as jornadas celebradas em Compostela e Ourense, fôrom dias de luita e festa que conseguiu implicar um grande número de pessoas diferentes num cenário comum. Todo um sucesso, dado o contexto actual de que falávamos.
Umha das ideias principais é que o povo galego nom pode permanecer parado ante cada um dos movimentos que se dam em contra dos nossos direitos. Temos que crer na nossa capacidade para organizar-nos, pensar e actuar, levando adiante projectos que sirvam para fazer frente a essas agressons e que unam forças contra um claro inimigo comum.
Nem nós nem vós vamos contar com o apoio de políticos e partidos que só miram polo seu, nem tampouco dos media oficiais e muitas outras entidades vinculadas ao aparato do estado e os governos. Mas dos êxitos obtidos só podemos concluir que tampouco o precisamos quando se conta com o apoio do povo e com a sua vontade para alcançar os seus objetivos.
Obrigrado a todas e todos os companheiros presentes. Esperamos ter sido breves, já que tal e como dizia José Martí nós também acreditamos que a melhor forma de dizer é fazer.
Viva Galiza Ceive!
Amigas da Cultura
Da Assiciaçom Cultural Amig@s da Cultura de Ponte Vedra queremos parabenizar-vos pola organizaçom do vosso IV CN. Esperamos que esta nova reuniom da juventude revolucionária da Galiza vos sirva para analisar e debater com acerto a dura realidade que a mocidade trabalhadora tem de viver na atualidade, tirando as conclusons necessárias para continuardes a crescer e a organizar os e as jovens obreiras da Galiza para os duros combates que nos aguardam no contexto de crise do sistema capitalista que nos toca viver. O vosso compromisso e a vossa entrega som fulcrais para atingirmos a Galiza livre, socialista e sem patriarcado que anelamos.
Viva a juventude revolucionaria galega!
Avante BRIGA!
Denantes mort@s que escrav@s!