Solidariedade e liberdade!
Março 2011
A juventude obreira organizada em BRIGA quer mostrar a sua solidariedade com Iussa e Telmo, o jovem trabalhador e militante juvenil viguês e o secretário comarcal da CUT na mesma comarca.
Ambos fôrom detidos onte no marco dumha operaçom que permanece sob segredo judicial, e da qual só temos informaçom através da imprensa burguesa espanhola, que já os acusa de actos "terroristas" imputando-lhes várias sabotagens.
Nos últimos meses Telmo vinha sendo o referente nas concentraçons pola libertaçom de Miguel Nicolás, o jovem ingressado em prisom por supostamente ter incendiado umha sede do INEM.
Todo este tempo, e no contexto das dúas greves gerais decorridas no nosso País, Telmo e Iussa estivêrom nas ruas luitando pola classe obreira galega, procurando despertar a consciência dos e das oprimidas, expondo-se polo bem do Povo Trabalhador. Para nós, isso tem muito peso.
Justamente hoje, quando comemoramos o 10 de Março, Telmo e Iussa permanecem detidos na comandáncia da Guardia Civil em Ponte-Vedra, onde aparentemente estarám as 72 horas que permite a lei. Todo indica que com a reactivaçom do movimento operário na Galiza contra a perda de direitos, o Estado espanhol tem reagido aginha para mostrar os dentes a quem luita.
Às 20h no Calvário haverá umha concentraçom em apoio aos dous detidos, hora prevista inicialmente para a concentraçom da CUT polo 10 de Março.