Concentraçom em Ferrol contra a agressom ao povo líbio
Março 2011
A Assembleia Popular contra a Guerra de Ferrol, na qual confluem associaçons vicinais, organizaçons políticas e sociais, e pessoas a título individual da cidade e comarca, convoca para hoje mesmo às 20 horas na Praça do Concelho umha concentraçom anti-imperalista em resposta aos massacres que alguns Estados capitalistas estám a cometer na Líbia com o objectivo de apropriar-se dos seus bens.
Esta é a primeira convocatória a nível comarcal em que BRIGA participará, assim como prevemos fazê-lo em outras durante os vindouros dias. Sobre elas manteremos-vos informad@s através desta página web.
Já a semana passada a nossa organizaçom fijo público um comunicado em que expressava o rechaço que os e as jovens trabalhadoras organizadas em BRIGA sentimos pola manipulaçom, a conveniência e os crimes do capital com tal de perpetuar o seu modo de acumulaçom.
Animamos-vos a fazer parte da expressom popular de raiva contra a impunidade do capitalismo.
O texto que se dinfundirá na concentraçom de Ferrol é o seguinte:
Líbia, um país que tem na sua posse 3,3% das reservas de petróleo do mundo, e que se encontra geo-estrategicamente situado em meio de países com recentes e importantes mudanças políticas, está sendo atacado por umha coligaçom de países ricos.
Mais umha vez, encontramos-nos que ante as revoltas que se estám a suceder numha parte do mundo (desta vez, o Norte da África) as potências ocidentais emergem como juizes do planeta e, abandeirados por Estados Unidos, com o prêmio Nóbel da Paz à cabeça, optam por exercer o controlo sobre estes levantamentos para assim defender os seus próprios interesses.
O método: a intervençom armada.
A escusa que se elegiu deixa ver a hipocrisia dos governos que a promovem: a ajuda humanitária.
Nunca se viu que a maneira de proteger aos civis seja bombardeando ao povo.
Umha segunda guerra se livra atualmente nos médios de comunicaçom, onde os interessados alcançárom umha polarizaçom da nova, dando-se a perceber que se nom és a favor desta guerra "legal" és a favor do ditador Gadaffi. A realidade nom é esta.
A Assembleia Popular Contra a Guerra convoca a toda a cidadania, na próxima terça-feira 29 de março, às 20 horas na praça de Armas de Ferrol, a umha concentraçom em rejeiçom à intervençom armada de ocidente na Líbia, com a legenda:
NOM À GUERRA IMPERIALISTA