GAZTERIA AURRERA!!

POLOS DIREITOS CIVIS E POLÍTICOS
GAZTERIA AURRERA!!

(Chamamento de SEGI à solidariedade)

Passárom 7 anos desde que o Estado espanhol deu um passo adiante na repressom contra Euskal Herria e começou os ataques a organizaçons e meios de comunicaçom bascos. Som de sobra conhecidos na sociedade basca as conseqüências dos macroprocessos 18/98 e os que lhe seguírom: o processamento de mais de 200 pessoas, a maioria delas detidas e encarceradas; a criminalizaçom e ilegalizaçom de numerosas organizaçons e meios de comunicaçom; denúncias de torturas... Este ano iniciarám a segunda fase deste ataque injustificável, dando início aos juízos dos citados macrossumários.

- O macroprocesso 18/01 é o referido às organizaçons juvenis JARRAI, HAIKA e SEGI e desde que se iniciou em Março de 2001, 42 jovens fôrom procesad@s, a grande maioria del@s encarcerad@s e as três organizaçons ilegalizadas. É um grande sumário baseado em mentiras e irregularidades jurídicas: aplicam a tese "Todo é ETA" sem nengumha prova, nom se concretam as condutas delituosas e a única acusaçom é ser membro das citadas organizaçons. Agora, a Audiência Nacional quer acelerar o procedimento por umha razom muito clara: impedir a libertaçom de 9 d@s moç@s encarcerad@s, já que em Março cumprirám o período legal máximo de 4 anos de prisom preventiva sem terem sido julgad@s. Aliás, como conseqüência desta aplicaçom desmedida da prisom preventiva, outr@s 15 rapazes e rapazas cumprirám proximamente 3 anos no cárcere. O Fiscal da Audiência Nacional pediu 654 anos de prisom para est@s 42 jovens.

- 654 anos de prisom para @s imputad@s de JARRAI, HAIKA e SEGI por trabalharem por Euskal Herria. Por saírem en defesa da juventude basca e defenderem os seus direitos. Por luitarem por um projecto político que é totalmente legítimo. Querem-nos impor umha pena de 654 anos de prisom por levarmos à prática o direito a se organizar e luitar, é o ataque contra os direitos civis e políticos mais grave da Era Moderna.

- Quere-se impor a pena de 654 anos à juventude basca. Por trabalharmos por umhas condiçons de vida dignas para @s jovens, por defendermos espaços autogestionados para @s jovens, por impulsionarmos modos de vida libertadores, por sermos insubmiss@s ao exército, por apoiarmos o trabalho d@s artistas e criadores jovens. 654 anos por organizarmos e impulsionarmos os sonhos, os desejos e as ilussons d@s jovens.

- Encontramo-nos ante umha agressom a toda Euskal Herria. Toda a juventude basca que quer ser livre é a que está no alvo. Ao fim e ao cabo, querem punir o direito de participaçom política, a liberdade de expressom e opiniom, o direito de associaçom e organizaçom e a liberdade ideológica e isso repercute em toda a mocidade e em toda a cidadania em geral. Por isso, é responsabilidade de tod@s dar umha resposta, Euskal Herria tem de paralisar esta agressom. Agora é o momento de defender a juventude basca.

Mostra a tua solidariedade com a juventude basca