BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas
not/i336.jpg

Pio Moa: fascista, homofobo, machista, fora da Galiza

Ontem a Fundación Caixa Galicia acolheu umha conferência de Pio Moa, personagem conhecido por rimbombantes declaraçons que ensalzam o franquismo, o machismo ou a homofobia. O acto está organizado pola Associaçom de Vítimas do Terrorismo (AVT) e financiada pola própria Fundaçom de Caixa Galiza Quando ainda só transcorrerom umhas semanas desde que rematou o Ano da Memória, na que a Junta da Galiza pretendia homenagear as vítimas do franquismo mas que em realidade nom passou de evocaçom sentimental e historicista, as instituiçons autonómicas permitem a realizaçom de actos como o de onte, no que abertamente se realizou apologia do genocídio do 36 e da massacre que contra o povo galego organizou o fascismo espanhol.[...+]

not/i335.jpg

Concentraçom pola presença de Pio Moa na Corunha

Hoje 10 de Janeiro decorre na Sede da Fundaçom Caixa Galiza da Corunha umha conferência que leva por título “Guerra Civil, franquismo e democracia” a cargo do Pio Moa, teórico do espanholismo mais rançoso. O acto está organizado pola organizaçom da ultradirieta Associaçom de Vítimas do Terrorismo (AVT) e financiada pola própria Fundaçom de Caixa Galiza, que há apenas dous meses co-organizara um acto com o propagandista do terrorismo sionista Scholomo Bem-Ami.[...+]

not/i334.jpg

Galiza foi mais do que um jogo

Polo seu interese achegamos artigo de opiniom assinado por Diego Bernal, membro da Assembleia de Siareir@s Galeg@s na Corunha e militante do movimento juvenil independentista, com o intuito de desmontar a montágem mediática e policial arredor mobilizaçom pola oficialidade das nossas selecçons nacionais do passado 28 de Dezembro na Corunha.[...+]

not/i333.jpg

Crónica do II Foro de Rebeliom adicado a analisar a violência nas aulas

A passada sexta 22 de Dezembro decorreu com sucesso a segunda entrega dos Foros de Rebeliom em Ponte Vedra, à que assistirom 25 pessoas, muitas delas jovens da comarca. Neste caso, sob o título Centros de ensino: violência ou repressom?, tentou achegar-se umha visom crítica e realista sobre a suposta violência ejercida nos centros de ensino, desde o ponto de vista do professorado, das AMPAS e do estudantado. [...+]

not/i332.jpg

Siareir@s Galeg@s contesta manipulaçom mediática e repressom policial

BRIGA quer somar-se à condena da intervençom policial contra a mobilizaçom pola oficialidade das selecçons nacionais, que decorreu o passado 28 de Dezembro na Corunha, e denunciar a burda manipulaçom mediática da que foi objecto Siareir@s Galeg@s nos seguintes ao jogo da Galiza. A seguir reproducimos o comunicado feito público por Siareir@s Galeg@s que contesta as declaraçons e a informaçom feita pública por diversos médios de comunicaçom arredor do acontecido durante a manifestaçom nacional do 28 de Dezembro:[...+]

not/i331.jpg

Galiza-Equador converte-se num clamor pola oficialidade das selecçons

A mobilizaçom nacional convocada por Siareir@s Galeg@s e a intervençom do colectivo no próprio Estádio de Riazor converteu um jogo da selecçom galega de futebol num clamor para esigir a oficialidade das nossas equipas desportivas. Igual que acontecera há um ano, na histórica jornada do 29 de Dezembro de 2005, o jogo contra Equador transcendeu com muito os limites marcados desde as instituiçons autonómicas e ficou para a história como umha jornada de luita e reivindicaçom do direito da Galiza a competir em torneios e competiçons internacionais oficiais.[...+]

not/i330.jpg

Concelho de Compostela aprova Ordenança que recorta direitos d@s jovens

O passado 28 de Dezembro decorreu o Pleno Mucipal no que foi aprovado a Ordenança de Resíduos e Limpeza Viária que imporá um grave recorte dos direitos d@s jovens na cidade, concretamente dos relacionados com o ócio. A Ordenança foi aprovada sem ter em conta negumha das aportaçons realizadas pola Plataforma contra a criminalizaçom da juventude, que foram apoiadas por centenares de moç@s, e que proponhiam eliminar os artigos reacionados com a proibiçom expressa de beber, sem especificar bebidas alcolicas, nas ruas e praças da cidade. [...+]

not/i326.jpg

Novo Foro de Rebelion em Ponte Vedra sobre a violência nas aulas

O Grupo de Base de BRIGA em Ponte Vedra organiza o segundo Foro de Rebeliom no que se abordará a tam cacarejada violência nas aulas. Neste segundo Foro da Rebeliom, que terá o formato de mesa-redonda, participarám Manuel Ayán, professor no IES Valhe Inclám, umha representante da Federaçom de AMPAS “Nom te durmas”, e Rute Cortiço, estudante e militante de AGIR. [...+]

not/i329.jpg

Siareir@s Galeg@s na rua de novo o 28 de Dezembro

Siareir@s Galeg@s culminará um intenso ano cheio de actividades em defesa das selecçons nacionais, com a umha manifestaçom nacional que percorrerá próximo 28 de Dezembro as ruas da Corunha sob a legenda “Galiza, algo mais do que um jogo”. Igual que o ano passado Siareir@s Galeg@s acompanhará o jogo da selecçom galega de futebol, que desta vez se enfrentará à equipa nacional de Equador, com umha mobilizaçom para reclamar passos efectivos no reconhecimento oficial das nossas selecçons desportivas para que assim poidam participar em competiçons e torneios internacionais.[...+]

not/i328.jpg

Mobilizaçom da compostelana Plataforma contra a criminalizaçom da juventude

No marco da campanha contra a Ordenança de Resíduos e Limpeza Viária, a passada quinta-feira 14 de Dezembro decorreu a mobilizaçom convocada pola Plataforma contra a criminalizaçom da juventude sob a leganda “ManiFESTA-te pola tua liberdade. Compostela para dançar, organizar-se, divertir-se, berrar, beber,...”. Arredor das 23h00, umha hora depois do início do acto de protesto, a Polícia Local dirigiu-se às e aos jovens concentrad@s para obrigá-los a abandonar a zona que ocupavam e ir até a zona central da Alameda. Foi neste momento quando partiu a mobilizaçom que reuniu a mais dum centenar de moç@s e que percorreu as ruas da Zona Velha da cidade, nas que o Concelho já aplica de facto a Ordenança e que cada fim de semana é ocupada por dezenas de polícias.[...+]