Comunicado polas detençons deste fim-de-semana
A dia de hoje, com a habitual falta de informaçom imposta polos tribunais e as leis de excepçom que mantenhem ilocalizáveis as pessoas detidas, e sem grandes novidades sobre as acusaçons, para além da terminologia genérica, a juventude independentista organizada em BRIGA quer enviar umha mensagem de solidariedade e de apoio a amizades, familiares e companheir@s dos detidos. Também desejamos fazer pública a nossa preocupaçom polo seu estado físico e anímico quando se acham sobmetidos a umha das maquinárias de violência mais brutais do mundo: a da polícia e a justícia espanholas. [...+]
Juventude catalá, à frente do movimento de libertaçom nacional
Ante a multitudinária demonstraçom de força e expansom do independentismo nos Països Catalans, nomeadamente no principado de Catalunha, a juventude independentista galega organizada em BRIGA quer enviar umha calorosa mostra de reconhecimento e afeto aos nossos irmaos e irmás de ARRAN, organizaçom que aglutina as preexistentes Maulets e CAJEI e que está a jogar um importantíssimo papel dinamizador utilizando, como nós, as três reivindicaçons estratégicas de independência nacional, socialismo, e feminismo.[...+]
Desemprego palia-se com emigraçom temporária no naval viguês
Alto degrau de titulad@s e especializad@s e alto degrau de desemprego. Som os pressupostos para a contrataçom de mais de 500 operári@s do naval viguês afora das nossas fronteiras nos últimos meses (nom temos dados do período exato). Os destinos: Alemanha e Holanda principalmente, ambos países especiais beneficiários da política comunitária em indústria naval que tanta competência gera com Galiza. Porém, um outro destino, dentro do Estado espanhol, é Euskal Herria, onde o potencial industrial e as caraterísticas do seu desenvolvimento e autonomia financeira respeito de Espanha mantenhem umha limitada contençom do impato da crise capitalista neste setor. [...+]
Querem converter Ponte Vedra em capital espanhola do desporto
Em apenas quinze dias, o líder autonomista que gere a alcaldia de Ponte Vedra tem alcançado o que parecia impossível: que umha pequena cidade periférica do estado espanhol governada polos pretensos comunistas e nacionalistas da UPG-BNG engalanem a localidade com a rojigualda até o fastio para acolher duas provas maes no "desporto nacional": umha etapa da Vuelta e mais um jogo da seleçom masculina espanhola de futebol.[...+]
Famosa artista pop fomenta militarismo entre mulheres em hit musical
Algumhas das formas mais recorridas pola classe dominante para fomentar o consenso social som a televisom e a música comercial. A fussom de ambas, através da realizaçom de videoclips que adormecem, alienam ou mesmo fomentam atitudes antitéticas com a rebeldia juvenil, som pam de cada dia. [...+]
Dirigente autonomista, encantado com "La Vuelta"
As alucinantes declaraçons do alcaide de Ponte Vedra e dirigente da UPG (partido hegemónico no BNG) trazem à tona mais um motivo, perto agora dum processo eleitoral, para a juventude galega mais consciente nom depositar a sua confiança em forças autoproclamadas nacionalistas que carecem do mais mínimo sentido da autodefesa frente à espanholizaçom.[...+]
Patronal alemá fai caixa com o desemprego juvenil europeu
A Agência Federal de Emprego de Alemanha pretende tirar rédito das altas taxas de desemprego nos agora chamados "países do sul de Europa", e também alguns do leste. Referem-se àqueles estados que, como o espanhol, o italiano, o português ou o grego, dam umhas cifras de desemprego juvenil escandalosas. Com 8% de desemprego juvenil na Alemanha, a equipa de Merkel pretende absorver desemprego juvenil estrangeiro, sem necessidade de mobilidade, instalando formatos como o ali existente de formaçom profissional dual, e ministrados polas empresas germanas.[...+]
Insultantes declaraçons políticas refletem polarizaçom social
Esta dualidade entre o poder burguês e a debilidade económica da maioria social agudiza-se passeninho. Jovens em fogares pobres, sem trabalho, eventuais, com contratos parciais ou em "negro", currantes de muitas horas... nom podem aceder ao reparto da riqueza nem na mísera quantidade oferecida polo Plan Prepara. Mas sim o fam as empresas como Isolux Corsán, de cuja direçom provém o macaco Colharte, e que construem autênticos empórios com personagens afeitas a viver com milhares e milhares de euros fruto das numerosíssimas concessons recebidas polas administraçons públicas.[...+]
Alardes burgueses entre miséria operária
O ex-presidente do Celta de Vigo e empresário da automoçom do sul do país, Ignacio Núñez, organiza este fim-de-semana um macroevento de elite à volta dum campeonato de mus para homens capitalistas. A cita, que alcança o seu quarto ano consecutivo de celebraçom, reúne a malta mais abastada adentro das fronteiras galegas, e nem só. Suculentos prémios para os ganhadores e, em palavras do organizador, sobre todo umha cita para o encontro e a partilhagem de projetos empresariais e vitais, ligados com algumhas das famílias mais acaudaladas da comarca e do país.[...+]
Recompilamos imagens da VIII Jornada de Rebeliom Juvenil
Informamos que na seçom de galerias fotográficas, assim como nas redes sociais, estamos a completar a suba de imagens à volta do 24 de julho, com várias entradas para as semanas prévias e outras para a mesma Jornada de Rebeliom Juvenil. Clica, acede e goza do intenso trabalho de propaganda e agitaçom que realizamos até o mesmo 25.[...+]