BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas
not/i817.jpg

Crónica do concerto solidário n´O Rosal

Na noite do 6 de Fevereiro @s jovens da comarca de Baixo Minho dançárom ao som do concerto que começava sobre as 23h na sala A Gruta d´O Rosal, em solidariedade com o companheiro Alexandre Rios. Os quatro grupos soubêrom fazer-nos desfrutar de umha boa noite de rebeldia e camaradagem com as suas palavras solidárias e de ánimo. O encarregado de romper o gelo foi o grupo de Hip-hop de Ponte Areias Rebeliom do Inframundo seguido do hard-core de Malcolm X chegados desde A Guarda e o dos vigueses Rojo 2. Até bem chegada a madrugada foi o ska de Skandalo Gz, também desde Ponte Areias, o encarregado de acompanhar-nos até o final da actividade [...+]

not/i816.jpg

Trabalhadoras/es do sector desportivo cumprem 12 dias de greve

Desde o passado 1 de Fevereiro o conjunto de trabalhadoras e trabalhadores dos clubes e das instalaçons desportivas na Galiza estam em greve indefinida. Decisom forçada polo reiterado desinteresse da patronal por chegar a um acordo, após mais de 2 anos de negociaçons de um convénio colectivo galego. @s trabalhadores/as, na imensa maioria jovens, reivindicam principalmente aumentos salariais (na actualidade cobram 733 euros ao mês) e uns horários laborais dignos que superem a actual irregularidade.[...+]

not/i815.jpg

Painéis do Plano E som boicotados na Corunha

Diferentes quadros propagandísticos do Plano E fôrom rociados com pintura vermelha e azul em diversos bairros da cidade herculina, no marco da campanha de BRIGA “Tempo de crise, tempo de luita”. A actividade contra o Plano Espanhol para o Estímulo da Economia e o Emprego (Plano E) persegue denunciar o servilismo do governo do PSOE face os grandes bancos e empresas, culpáveis da actual crise do capitalismo por décadas de especulaçom[...+]

not/i814.jpg

Mocidade autonomista brinda ao sol polo idioma

Há semana e média o Conselho da Juventude da Galiza adoptava um posicionamento contrário ao decretazo do PP contra o idioma galego. Acto seguido, a Secretária Geral de Galiza Nova, Íria Aboi, congratulava-se do posicionamento. Como as suas declaraçons se encarregárom de enfatizar, a proposta de urgência partira das juventudes do BNG. Estas intervençons pecam ao nosso parecer de grande oportunismo, ao instrumentalizarem a grave situaçom do idioma com um mero objectivo eleitoralista e propagandístico, dissonante com a prática entreguista e institucionalizada da organizaçom juvenil e o próprio órgao. [...+]

not/i813.jpg

Novo concerto solidário em Baixo Minho

O vindouro sábado 6 de Fevereiro celebrará-se um novo concerto dentro da campanha solidária com o Alexandre Rios, desta vez o lugar escolhido é O Rosal. O Grupo de Base de BRIGA no Baixo Minho vem de fechar o cartaz com quatro grupos de estilos diferentes e para todos os gostos, aos quais há que agradecer a sua aportaçom totalmente desinteressada: [...+]

not/i812.jpg

Acçom da insurgência afegá continua: Exercer de mercenário sae caro

Um militar do exército espanhol resultou morto e seis feridos num ataque bombista no passo de Sang Atesh, perto da cidade de Badghis. O assalto da resistência deixou outros seis ocupantes feridos, dous deles de gravidade. Horas mais tarde, a base espanhola de Herat era atacada com vários foguetes de fabricaçom caseira, sem causar baixas. O soldado morto, de 21 anos de idade e origem colombiana exemplifica o perfil das forças ocupantes espanholas no Afeganistám: Jovem, de extracçom social popular e pagado polo subimperialismo espanhol nas suas guerras de saque[...+]

not/i811.jpg

[Video] Entrevista ao Alexandre

Disponibilizamos os três cortes realizados por Gzvideos no concerto nacional solidário com o Alexandre Rios, que BRIGA organizou o passado 16 de Janeiro na Fundaçom Artábria. O primeiro deles tem várias partes: A entrevista realizada ao nosso companheiro ameaçado com entrar em prisom, algumhas perguntas a Álex de Eina e aos integrantes do grupo punk-rock Arenga, de Pontedeume. Os dous que restam recolhem imagens do concerto.[...+]

not/i810.jpg

Terrorismo machista tem impunidade em Ponte Vedra

O número 19 da folha agitativa do Grupo de Base em Ponte Vedra “BRIGA na rua” já está na rua. Desta volta centrado nas violaçons e ataques sexuais silenciados pola Polícia e a Subdelegaçom do governo. Polo seu interesse reproduzimos o seu conteúdo na íntegra: “Governo espanhol e polícia ocultam múltiplas violaçons. Terrorismo machista tem impunidade em Ponte Vedra”. [...+]

not/i809.jpg

Estátua do assassino Millán Astray é retirada das ruas da Corunha

Na manhá da sexta-feira passada o monumento ao general golpista Millán Astray foi empacotado e retirado da praça do mesmo nomem por umha empresa contratada pola Cámara Municipal. Posteriormente foi trasladada ao polígono da Grela, onde aguardará pola decisom do governo local que decidirá a sua próxima ubicaçom, muito provavelmente no Museu Militar. Punha-se fim a 40 anos de permanência deste monumento fascista, homenagem a umha das piores bestas negras do franquismo, o fundador da Legiom.[...+]

not/i808.jpg

Nova mobilizaçom multitudinária na defesa da língua

As ruas de Compostela acolhêrom a milheiros de manifestantes em prol do idioma, na jornada de greve de 21 de Janeiro contra o Decreto antigalego do PP. Associaçons culturais, organizaçons estudantís, entidades sindicais e políticas apoiárom e convocárom umha mobilizaçom que contou com umha adesom de 90% do professorado e do alunado galego. A organizaçom estudantil AGIR, sob a legenda “Nem 33%, nem 50%. Ensino 100% em galego” aglutinou o discurso da esquerda independentista [...+]