Intervençom de BRIGA no IX Dia da Galiza Combatente
A seguir reproduzimos a intervençom da companheira Noela Campanha no acto político polo Dia da Galiza Combatente organizado o passado Domingo por Nós-Unidade Popular sob a legenda de Henriqueta Outeiro, comunista, guerrilheira e feminista indomável. O emotivo acto contou também com as intervenços de Rosa Quintais em representaçom do compostelano centro social Henriqueta Outeiro e o Porta-Voz de Nós-UP, Maurício Castro. Ambas misturadas com a poesia de Ramiro Vidal Alvarinho e Belem Grandal. Ao remate um vizinho e velho conhecido da homenageada ofereceu-nos as lembranças que ele ainda hoje mantem da revolucionária luguesa finada em 1989. [...+]
Manifesto contra a ordenança do botelhom
Perante as numerosas acçons repressivas lançadas polo Concelho de Vigo contra a juventude, os e as jovens de Vigo organizadas em Briga querem denunciar os factos que milheiros de jovens vigueses tenhem que suportar cada fim de semana. Desde que a conhecida “lei anti-botelhom” entrou em vigor a finais de verao, o Casco Velho da cidade está sob um verdadeiro toque de queda a partires das 22h das noites das fins de semana. A esta hora, até 50 polícias percorrem rua a rua, a pé e em carro, na pesquisa de qualquer grupo de jovens aos que multar. Bem se vê, que a intimidaçom, a acossa e o controlo policial som três constantes nas noites de lazer viguês. [...+]
Entrevistamos Iago Barros, membro da Direcçom Nacional de AGIR
Os políticos espanhois voltarom utilizar o circo mediático, desta volta à roda dos distúrbios na madrilena localidade de Pozuelo, para a criminalizar à juventude. Colóca-se no olho do furacam o sistema educativo público, retomando a velha discussom sobre a potencial perigosidade da juventude e pôm-se acima da mesa a necessidade de impulsar leis que convirtam ao professorado em autoridade pública. [...+]
Manifesto da V Jornada de Rebeliom
Disponibilizamos no nosso web o manifesto lido na V Jornada de Rebeliom Juvenil´09 que decorreu o passado 24 de Julho sob a legenda “Tempo de crise, tempo de luita”. A sua leitura foi seguida pola projecçom de um vídeo com imagens da greve do metal acontecida no Sul da Galiza, ambos fôrom a antesala da tradicional queima da bandeira espanhola.[...+]
Homenagem a Henriqueta Outeiro no Dia da Galiza Combatente
BRIGA participará no já tradicional acto político polo Dia da Galiza Combatente organizaçado por Nós-Unidade Popular, organizaçom política da esquerda independentista, este ano sob a legenda Henriqueta Outeiro, comunista, guerrilheira e feminista galega indomável. O acto, convocado às 13h00 horas na sua paróquia natal, Miranda (Castro Verde), contará com as intervençons do Porta-Voz nacional de NÓS-Unidade Popular Maurício Castro, a do Centro Social Henriqueta Outeiro de Compostela e a do membro da Mesa Nacional de BRIGA Noela Campanha. [...+]
Julgamento na Audiência Nacional contra Santi Vigo e José Sanches
Os jovens independentistas galegos, Santiago Vigo e José Manuel Sanches, serám julgados na Audiência Nacional esta sexta-feira dia 2 de outubro.Os compatriotas, em prisom preventiva desde há quase 2 anos, padecem desde entom a repressiva política do régime penitenciário espanhol onde as agressons e a dispersom som o denominador comum na luita contra aqueles e aquelas que reivindiquem o direito à autodeterminaçom das naçons oprimidas polo Estado Espanhol. [...+]
Cuba: Democracia e auto-organizaçom popular
A Brigada Galega Fuco Gomes organiza esta vindoura sexta-feira 2 de outubro às 20h30 no C.S Gomes Gaioso da Corunha umha palestra centrada na democracia e a participaçom activa da populaçom em Cuba.O colectivo internacionalista quere assim destacar “as fórmulas de participaçom popular no poder e a auto-organizaçom obreira e camponesa atingidas polo povo cubano após a Revoluçom,, assim como a realidade dum sistema electivo muito mais democrático do que se pode observar na maioria dos países europeus, estado espanhol inclusive”[...+]
Fundaçom Artábria reivindica um Ferrol e umha Galiza em galego
No marco das actividades programadas para a comemoraçom dos seus onze anos de existência, a passada sexta-feira a Fundaçom Artábria saiu à rua para reivindicar um Ferrol e umha Galiza em galego. A marcha partiu após a conclussom da concentraçom com motivo da entrada dum novo gaseiro na Ria, passadas às 20h00, da Praça do Hino galego. Depois de umha parada para galeguizar de forma simbólica umha das placas da Rua Real, a mobilizaçom dirigiu-se até a sede do Partido Popular, onde foi recebido por umha dotaçom da polícia de choque espanhola. [...+]
As maiores fortunas galegas lucram-se com a crise enquanto sobem paro e impostos
Os maiores patrimónios da Galiza ganhárom 4.439 milhons de euros nos últimos 9 meses de profunda crise. É dizer, que o grande capital no nosso país, longe de acusar as penúrias que está a sofrer a enorme maioria d@s trabalhadores/as galeg@s, continuou a amassar ingentes fortunas trás das siglas de Zara Inditex, BBVA, Banco Pastor, Grupo San José, Zeltia ou Pescanova, por citar algumhas das centrais de roubar trabalho alheio mais eficientes.[...+]
A reforma da Lei do Aborto: inassumível por insuficiente
O informe sobre a situaçom da interrupçom voluntária da gravidez no Estado Espanhol e as propostas para a nova regularizaçom que o PSOE propom, a"Lei de Interrupçom Voluntária da Gravidez e Saúde Sexual e Reprodutivas", vê a luz com a etiqueta de "projecto constitucional" do Conselho de Estado. A contínua ofensiva do fundamentalismo católico facilita-lhe ao PSOE vender esta lei como um verdadeiro avanço nos direitos sexuais das mulheres,mas som muitas e muito significativas as limitaçons com as que nasce. Com o motivo de aprofundar nelas, disponibilizamos no nosso web o artigo da Responsável da Mulher da nossa organizaçom, Rute Cortiço, publicado recentemente no portal de Primeira Linha.[...+]