BRIGA, organizaçom juvenil da esquerda independentista

Loja Virtual
Arquivo Gráfico
correio-e:
Compartilhar
Actualizada em
14/01/14
novas
not/i676.jpg

Coordenadora contra Guerra de Ponte Vedra: OTAN NOM, BRILAT FORA!!

A Coordenadora contra a Guerra de Ponte Vedra começa umha nova jeira de actividades, desta vez, centradas na denúncia do tétrico papel que joga a OTAN como braço armado do imperialismo desde a sua constituiçom o 4 de abril do 1949. Assim o passado 4 de abril, dia do seu 60º Aniversário, a Alameda de Ponte Vedra acolheu o acto inicial onde várias pessoas despregarom umha faixa com a intençom de tirar do esquecimento a reivindicaçom do “OTAN NOM!”.[...+]

not/i675.jpg

Que o clero se entere: nós parimos, nós decidimos

Nas últimas semanas vimos que a ofensiva do fundamentalismo católico se recrudezeu em torno ao direito das mulheres a abortar, mas as jovens de BRIGA soubemos reagir denunciando-o nas nossas ruas. O oportunista uso do PSOE nesta matéria em plena campanha eleitoral na CAG e na CAB, gerou umha polémica que conseguiu consolidar um lugar de acubilho para os reaccionários, misóginos e ráncios sectores herdeiros da España fascista do 36. [...+]

not/i674.jpg

Agitaçom de BRIGA também em Ourense

A cidade das Burgas tem sido cenário nas últimas semanas de diversas actividades agitativas e propagandísticas de Briga. Desde colagens em solidariedade com o julgamento aos cinco filiad@s da CIG (três deses militantes juvenís da organizaçom), até pintadas de consignas em diferentes muros da cidade, com palavras de ordem reivindicando a independência nacional, o socialismo, ou necessidade da luita para atingir melhoras reais para a juventude.[...+]

not/i673.jpg

Escola de Formaçom´09: Luitando fazemos possível a utopia

Mais um ano organizamos a Escola de Formaçom, a juntaça mais nova da esquerda independentista galega, para compartilhar três dias de encontro que ficarám na memória colectiva do independentismo galego como mais um chanço avante na enorme escaleira que nos conduz a um futuro gerido, como dizia a legenda da Escola de Formaçom '08, polas e polos que luitam.[...+]

not/i672.jpg

FMI e Banca espanhola reconhecem gravidade da crise estrutural

O capitalismo continua a devorar-se a si próprio, e incluso os seus máximos representantes botam as maos à cabeça ante a profundidade ainda insodável da crise sistémica actualmente em desenvolvimento. Em palavras de Dominique Strauss Kahn, director gerente do FMI, a actual situaçom económica mundial é “extremadamente grave”, prognosticando umha “recessom global” e advertindo do “perigo de distúrbios sociais que ameacem às democracias e degenerem em conflitos”.[...+]

not/i671.jpg

VI Foro de Rebeliom. Homofobia: Reptos para o movimento LGBT na Galiza

A próxima sexta-feira dia 27 às 20hh terá lugar no L.S. A Revira de Ponte Vedra a celebraçom do sexto Foro de Rebeliom, desta vez, centrado na análise sobre o problema da homofobia na Galiza. O evento contará com as intervençons de: - Laura Bugalho do Colectivo TransGaliza - Ângelo Meraio da Federaçom Aturuxo - Alexandre Rios militante de BRIGA[...+]

not/i670.jpg

Lume à Conferência Episcopal!

O fundamentalismo católico continua atacando a reivindicaçom histórica do feminismo de classe: o direito da mulher a abortar. Desta volta, a Conferência Episcopal arremete com a Campanha “Protege a tua vida!” fazendo umha populista comparaçom com a protecçom legal dos animais em perigo de extinçom. Pretende assim pressionar e impedir, com os seus meios de comunicaçom e a ajuda do PP, a reforma da Lei do Aborto e a Lei de Praços proposta pola Comissom de Igualdade no Congresso fai agora pouco mais dum mês.[...+]

not/i669.jpg

Começam os preparativos da Escola de Formaçom´09

As organizaçons da esquerda independentista BRIGA e AGIR já estamos trabalhando para fazer possível a Escola de Formaçom '09. Desde este mês de Março, e de cara às jornadas de encontro que terám lugar nos dias 3, 4 e 5 de Abril, as assembleias de ambas organizaçons irám coordenando e preparando o conteúdo desta nova ediçom. E vam já lá seis anos que empezamos.[...+]

not/i668.jpg

Concelho de Vigo soma-se à legislaçom anti-botelhom

O 16 de Janeiro aprovou-se em Vigo, a “Ordenança de convivência cidadá e o ócio”, mais conhecida por “lei antibotelhom” ou “lei seca”, com os votos de PSOE e BNG e que entrará em vigor no mês de Março. A medida é similar a que entrou em vigência o 22 de Fevereiro em Ponte Vedra, e com anterioridade em Compostela e A Corunha. Descontento vizinhal ou privatizaçom do espaço urbano e repressom juvenil? [...+]

not/i667.jpg

Três anos e seis meses de prisom e quase 6000 € em multas para os cinco filiad@s da CIG

Após a fiscalia ter ofertado umha rebaixa dos delitos de atentado a resistência, o julgamento marcado para o passado dia 12 de Março se saldou com a condena de seis meses de prisom e multas de 360 € para os companheiros Alberte e Jaime, enquanto os três militantes de BRIGA, também filiados à CIG, fôrom condenados a um ano de prisom e multas por valor de 760 € no caso de Daniel Lourenço e Sérgio Pinheiro, e a seis meses de prisom e umha multa de 3.680 € para Alexandre Rios.[...+]