AGIR e BRIGA começam preparativos da Escola de Formaçom´08
A Escola de Formaçom que AGIR iniciara em 2004 em Cervo, na comarca da Marinha, alcança este ano a sua quinta ediçom. Este ano, como nos anteriores três últimos, som as organizaçons juvenil e estudantil do Movimento de Libertaçom Nacional Galego, BRIGA e AGIR, quem conjuntamente estamos a preparar a celebraçom deste encontro da mocidade independentista revolucionária que terá lugar nas primeiras jornadas das férias de Primavera.[...+]
Disponibilizamos espaço para a campanha dos 366 murais
Quando estamos quase no equador da campanha nacional “366 dias de dissidência. 366 murais de subversom” que deu começo o passado 12 de Agosto e rematará no mesmo dia do presente ano, disponibilizamos no nosso sítio web um espaço no que podedes acceder a umha parte dos mais de um centenar de murais realizados até o momento. Neste espaço subiremos de forma periódica as imagens dos murais que os distintos Grupos de Base de BRIGA estám a realizar por toda a geografia galega com diferentes temáticas.[...+]
Ataque fascista contra o Ateneu Ferrolano
No dia de onte, quinta-feira 17 de Janeiro, arredor das 13h25 o Ateneu Ferrolano foi objecto de um ataque fascista ao ter sido incendidas as escaleiras que dam accesso ao mesmo. O ataque produciu-se quando ainda estavam no edifício o pessoal do DyA, que conta com um local no edifício, e a trabalhadora do Ateneu, que foi quem deu a alarma ao ver o fume e possibilitou que o incéndio nom se estendesse ao resto dum imóvel histórico do bairro da Madalena que ainda conta com a estrutura de madeira.[...+]
PSOE-BNG apostam na Corunha por medidas repressivas contra a juventude para acabar com o botelhom
Desde o mês de Outubro de 2007 os meios de comunicaçom, especialmente os jornais direitosos La Voz de Galicia e El Ideal Gallego, tenhem dedicado multidom de notícias ao que eles denominam “problemática do botelhom”. [...+]
Nova ediçom do Festival Treme a Terra
Como cada Janeiro @s companheir@s do colectivo Treme a Terra de Pontedeume apresentam umha nova ediçom do seu Festival. A próxima sexta-feira dia 18 apartir das 21h30 arrancará a décimo terceira ediçom deste veterano festival, que como de costume apresenta um cartaz com alguns dos melhores conjuntos da cena galega, concretamente Bonovo, O Som do Galpom e Motor Perkins, junto com o grupo catalá La Pegatina.[...+]
Início em Compostela do curso de autodefesa para mulheres
A próxima quarta-feira 23 de Janeiro dará comezo o curso de autodefesa para mulheres que organiza o Grupo de Base de BRIGA em Compostela. Para esta data está convocada umha reuniom no Cs Henriqueta Outeiro com as jovens participantes nas que se fará umha apresentaçom dos objectivos da iniciativa e se acordarám alguns aspectos organizativos.[...+]
Nom mais julgamentos a antimilitaristas. Exército espanhol fora da Galiza
Sob a legenda “Nom mais julgamentos a antimilitaristas. Exército espanhol, fora da Galiza”, desenvolveremos umha intensa campanha de solidareidade com @s três jovens acussad@s de “ameaças e injurias ao Exército” e “maltrato às Forças Armadas” e que enfrentam umha desproporcionada petiçom fiscal de 2190 € de multa e um ano de prisom cada um/ha. Com a posta em andamento desta campanha pretendemos nom só solidarizar-nos com @s jovens processad@s e denunciar a arbitrariedade com a que forom identificad@s como participantes da acçom de protesto que provocou a denúncia, mas também denunciar o papel dum exército mercenário, imperialista e herdeiro do golpe de estado de 1936.[...+]
Manifesto solidário com @s três jovens que serám julgad@s em Ponte Vedra
O Grupo de Base de BRIGA em Ponte Vedra vem de fazer público um manifesto com o que recolherám apoios solidários de colectivos, organizaçons e pessoas com @s três jovens que serám julgad@s o próximo 4 de Fevereiro. O julgamento fora agendado para o passado 31 de Outubro mas a aussência de vários dos militares que iam declarar e que estavam emprestando serviço no marco da missom militar, auto-intitulada humanitária, no Líbano provocou o seu adiamento até o 4 de Fevereiro.[...+]
Publicamos intervençom antimilitarista no IV Foro de Rebeliom
Polo seu interese publicamos na secçom de documentos da nossa página web a intervençom do companheiro Xane Rios no IV Foro de Rebeliom, organizado polo Grupo de Base de BRIGA em Ponte Vedra sob o título “A Luita antimilitarista da juventude galega”.[...+]
BRIGA adire à denúncia contra as agressons a presos galegos
BRIGA soma-se as denúncias contra as agressons que estám a sofrer os dous jovens independetistas, José Manuel Sanches e Santiago Vigo, detidos o passado 14 de Dezembro e que permanecem encarcelados a centos de quilómetros das suas famílias e amig@s. Junto com outros colectivos e organizaçons esigimos respeito para a integridade dos dous presos galegos, vítimas da impune violência que exercem os carceleiros e alguns presos ao seu serviço.[...+]