Nova mobilizaçom multitudinária na defesa da língua
As ruas de Compostela acolhêrom a milheiros de manifestantes em prol do idioma, na jornada de greve de 21 de Janeiro contra o Decreto antigalego do PP. Associaçons culturais, organizaçons estudantís, entidades sindicais e políticas apoiárom e convocárom umha mobilizaçom que contou com umha adesom de 90% do professorado e do alunado galego. A organizaçom estudantil AGIR, sob a legenda “Nem 33%, nem 50%. Ensino 100% em galego” aglutinou o discurso da esquerda independentista [...+]
BRIGA reclama a liberdade inmediata para os dous jovens encarcerados
O passado dia 14 Jurjo Rodrigues e Óscar Sanches eram detidos na paróquia de Salzedo e conduzidos a Madrid pola Guarda Civil, sob o alegato da presunta posse de material explosivo. Os juizes da Audiência Nacional espanhola Fernando Andreu e José Luis de Castro decretárom o seu ingresso em prisom, e a estas horas ambos permanecem encarcerados em Soto del Real (Óscar S.) e o centro de menores Los Rosales (Jurjo R.).[...+]
Concerto solidário junta mais de 70 jovens em Ferrol
Como informaramos noutras notícias do web, este fim de semana tivo lugar o concerto nacional em solidariedade com o Alexandre durante a noite do passado Sábado, na Fundaçom Artábria. A actividade começou com o concerto do grupo galego Arenga (Pontedeume), que caldeou os ánimos durante algo menos dumha hora de punk-rock, e deixou mais animada à assistência para receber a actuaçom de Eina. No descanso um companheiro do Grupo de Base de Ferrol introduziu ao próprio Alexandre que também realizou umha pequena intervençom. O companheiro repressaliado agradeceu a presença de tod@s @s que apoiaram, [...+]
Briga apresentou nova campanha solidária em Compostela
A nossa organizaçom apresentou oficialmente a campanha solidária com Alexandre Rios “Em Espanha o compromisso é delito”, num acto ao que assistirom multidom de jovens e simpatizantes da organizaçom que arroupárom ao moço repressaliado enquanto a rolda de imprensa tinha lugar. Durante a mesma, informou-se das diferentes actividades que BRIGA vai desenvolver nos próximos meses a este respeito, e que se centrará em duas linhas principais[...+]
Disponibilizamos artigo sobre crise sistémica e poder juvenil
Disponibilizamos na nossa secçom de documentos o artigo de opiniom do companheiro Alexandre Rios Bergantinhos “Crise sistémica, ofensiva adulta e poder juvenil”, publicado no Abrente nº 53, vozeiro do partido comunista galego Primeira Linha. O texto analisa muitas das conseqüências da actual crise capitalista e a suas repercussons nas condiçons de vida da juventude trabalhadora galega: A crescente militarizaçom social, a manipulaçom dos meios de comunicaçom, o culto ao autoritarismo, a drogadiçom, o desemprego... [...+]
Transnacionáis pugérom preço ao planeta na Cimeira de Copenhaga
Vem de rematar a cimeira de Copenhaga. Segundo as empresas de comunicaçom, nesta reuniom mandatários de todo o mundo acordariam objectivos e estabeleceriam linhas de acçom para a soluçom dum problema que eles mesmos levam tentando agochar mais de três décadas. Por enquanto, fora das opulentas salas de discusom “democrática”, o sistema fechava-lhe as portas e ensinava os dentes à maioria social que se verá afectada nos próximos anos pola destruiçom meioambienta[...+]
Banca é assinalada como culpável da crise em Ferrol
Nos últimos dias o Grupo de Base em Trasancos levou avante actividade de rua contra os bancos e o seu papel na actual crise capitalista. Diversos escaparates de bancos do centro fôrom boicotados com colagens de faixas onde se podia ler a palavra de ordem “Que os bancos paguem a crise”. Além do mais, noutros muros da cidade podiam ver-se as faces dos culpáveis e máximos beneficiados da crise: Amancio Ortega, Manuel Jove, J. Manuel Loureda e Jacinto Rey entre outr@s.[...+]
Bilhetes solidários do concerto de Eina e Arenga já à venda
Os bilhetes do concerto de solidariedade dos ex-Inadaptats (agora Eina) e Arenga já tenhem pontos oficiais para a sua compra. O preço do bilhete (10 €) inclui umha aportaçom solidária que irá destinada a impedir a entrada em prisom do companheiro Alexandre Rios. Com este acto BRIGA quer ir mais lá da mera recadaçom de fundos, e denunciar publicamente a perseguiçom de direitos fundamentais como a liberdade de expressom e manifestaçom que estes processos tentam suspender.[...+]
Ponte Vedra saúda 2010 com solidariedade
BRIGA em Ponte Vedra deu as boas-vindas ao ano entrante com o início oficial da campanha solidária polo companheiro Alexandre Rios, ameaçado de entrar em prisom por participar de um acto antimilitarista. As primeiras horas do novo ano encontrárom a palavra de ordem “Em Espanha, o compromisso é delito” em cartazes e faixas coladas em toda a cidade, desde o casco velho até as estaçons e viais de entrada, passando polos principais bairros e ruas. [...+]
O Grupo de Base de BRIGA em Vigo estrea folha agitativa
O primeiro número da nova publicaçom “Lume na rua” já está disponível. O texto centra a sua análise na realidade da juventude trabalhadora galega e em especial na viguesa que sofrem as agressons do terrorismo patronal em forma de desemprego e trabalho eventual. A seguir disponibilizamos o seu conteúdo na íntegra: Nestas alturas é indiscutível que a juventude esta a pagar a crise. Nos últimos anos, a precaridade das condiçons de vida da juventude acrescentou-se de maneira continua e imparável, e de maneira especialmente dura na Galiza. [...+]