Mobilizaçom em defesa da língua atinge grande sucesso em Compostela
A manifestaçom que percorreu a capital do nosso país o passado 17 de Maio bateu todos os recordes históricos em matéria de reivindicaçom lingüística. Dúzias de miles de pessoas lotárom as ruas compostelanas, deixando a marchinha de Galicia Bilingüe como o que é: A representaçom do neofascismo institucional, com escassos apoios na rua e nulo aval popular. A Plataforma Galego Sempre Mais participou como bloco diferenciado com discurso próprio, no que muitas das mais de corenta entidades assinantes assistirom com faixa própria.[...+]
BRIGA reivindica o Dia da Mulher Antimilitarista
Tradicionalmente o movimento feminista sempre tivo, em todas as suas vertentes, umha forte tradiçom antimilitarista de facto o feminismo consequente é irrencociliável com o militarismo que é o máximo exponhente da violência machista. A luita duns poucos homens para submeter ao resto dos homens e a todas as mulheres, pola contra o feminismo é um exercício diário de rebeldia e insubmissom. Nom esqueçamos que os valores do exército som o patriarcado, o militarismo, a xenofobia, a homofóbia,a obediência cega...[...+]
Galego, sempre mais. Contra a imposiçom do castelhano
O dia 17 de maio é um dia para denunciar nas ruas a única imposiçom lingüística verificável que este país sofre diariamente. E este ano estamos a viver um contexto novo, um contexto cheio de dúvidas e de poucas esperanças para a sobrevivência da língua na Galiza, daí que todos o colectivos que assinamos este manifesto queiramos expressar conjuntamente o nosso ponto de vista e contribuir para o avanço da normalidade lingüística no nosso País.[...+]
Contra a criminalizaçom da juventude também em Ourense
Áuria Vermelha, é a nova ferramenta comunicativa que se soma as folhas e vozeiros editados polos Grupos de Base de BRIGA. A denuncia da permanente campanha de criminalizaçom da juventude com a escusa da prática do botelhom centra o primeiro número da folha de agitaçom do GB de BRIGA em Ourense. A seguir reproduzimos o texto do primeiro número do Áuria Vermelha:[...+]
Nova campanha de AGIR: na Galiza só em galego!
A organizaçom estudantil da esquerda independentista, AGIR, vém de anunciar a posta em andamento dumha campanha nacional à qual desejamos grandes frutos. Após a recuperaçom do governo autonómico polo Partido Popular, a face mais obscura do capitalismo reactiva-se amparada por um discurso galegofobo que lhe brindou mui bons resultados numhas eleiçons de rotundo fracasso da progressia autóctone do BNG.[...+]
Disponibilizamos documento sobre mulher e sexualidade
Já está disponível na secçom de documentos do nosso web a intervençom da nossa companheira Noela Campanha na mesa-redonda organizada por AGIR em Compostela o passado 25 de Março sob o título "Mulher e sexualidade". Na mesa-redonda, que decorreu na Faculdade de História, também participou umha activista do movimento LGTB e serviu para abordar desde diferentes ópticas a pressom que por parte da ordem sexual burguesa som objecto as mulheres.[...+]
BRIGA solidariza-se com @s quatro jovens da CAJEI detid@s
A manhá da passada quarta-feira, quatro jovens membros da Coordinadora d'Assemblees de Joves de l'Esquerra Independentista (CAJEI) fôrom detid@s em Barna polos Mossos d´Esquadra, acusados de participar num acto de denúncia ante o Banco de Espanha. Os fardados também identificárom a mais três jovens. A acçom consistiu no encadeamento à fachada da sede do banco a mais de cinco metros de altura por parte de dous/duas d@s companheir@s detid@s, enquanto @s restantes faziam o próprio a um bidom de cimento colocado no médio da estrada, cortando assim o tránsito diante de Portal de l'àngel. [...+]
Crónica do 1º de Maio
Mais um ano BRIGA estivo presente na rua no Dia do Internacionalismo Proletário. As actividades começarom os dias prévios com intensas coladas de cartazes do 1º de Maio e da recem iniciada Campanha Nacional “Tempo de Crise, Tempo de Luita” além de pintadas polas principais cidades e vilas da Galiza. Já na jornada do 1º de Maio, convocad@s pola CIG, miles de operári@s mobilizavam-se contra os ERE´, as deslocalizaçons ou os feches de empresas, em definitiva, contra o desastre ao que nos levou o sistema capitalista, agora em crise.[...+]
Sons jovens celebrará-se na Gentalha do Pichel
Na sua terceira ediçom o Sons Jovens, evento que nos dous últimos anos se celebrou na Praça 8 de Março, transladará-se de datas e de lugar de celebraçom. Nas suas duas primeiras ediçons o Sons Jovens, decorrera na Praça 8 de Março e contra-ofertava música realizada por jovens e em galego ao programa das festas desenhada polo Concelho. Nesta terceira ediçom o concerto celebrará-se na Gentalha do Pichel a próxima sexta-feira dia 8 de Maio e participarám duas bandas. Apartir das 21h30 na Gentalha do Pichel actuarám os grupos Noise Project e Yoplay. O bilhete custará 3 €.[...+]
Concerto em Ferrol na noite do 1º de Maio
O Grupo de Base de BRIGA em Trasancos encerrará a jornada do 1º de Maio em Ferrol com um concerto na Fundaçom Artábria. O concerto começará às 21h30 com o rock de Kastomä que achegará por segunda vez até Artábria o seu novo disco Almas da noite. Após os Kastomä, desfrutaremos da pinchada dos companheiros de Reacçom Som.[...+]