BRIGA participa na mobilizaçom do Orgulho convocada por Aturuxo
O 28 de Junho, Dia do Orgulho LGTB, BRIGA participou com faixa própria na mobilizaçom nacional convocada pola Federaçom de Associaçons LGTB da Galiza, ATURUXO sob a legenda “Existo, por que nom me vês? Mulher, lésbica, visível”. A mobilizaçom partiu passadas às 18h00 da Alameda compostelana, encabeçada por umha faixa de Aturuxo, seguida dumha grande bandeira do movimento LGTB.[...+]
Pres@s independentistas mobilizam-se em solidariedade com Santi Vigo
A próxima sexta-feira os pres@s independentistas encarcelad@s em diferentes prisons do Estado espanhol, levarám a cabo um jejum de 24 horas em solidariedade com Santi Vigo, agredido a passada semana por quatro carceleiros. A agressom vem acompanhada dumha contínua conculcaçom dos direiros d@s independentistas, tod@s em prissom preventiva e a espera de juízo, que sofrem contínuas dificuldades para receber visitas ou o correio e seguem sendo vítimas da política de dispersom que @s mantém a centos de quilómetros da Galiza.[...+]
Mesa-redonda abordará na Corunha a luita polos direitos sexuais
A dous dias da celebraçom do Dia do Orgulho LGTB, o Grupo de Base de BRIGA na Corunha organizará umha mesa-redonda sobre a luita polos direitos sexuais na que participarám Lola Ferreiro, doutora e autora de diversos estudos sobre sexualidade, e Ángelo Rodrigues Meraio, activisto do movimento LGTB. Um/ha companheir@ do Grupo de Base, aproveitará a mesa-redonda para a presentar a acampanha nacional recentemente iniciada pola organizaçom e que desenvolveremos nos próximos meses.[...+]
A Ordenança contra o botelhom em Ponte Vedra: respostas úteis para perguntas freqüentes
O Grupo de Base de BRIGA em Ponte Vedra continua com a sua campanha de denuncia da nova Ordenança municipal contra o botelhom, e que na linha das aprovadas noutros concelhos galegos, restringirá mais se cabe os direitos da juventude. A seguir reproducimos o material que está a ser distribuido nas zonas de botelhom da cidade, no que, de forma resumida, se abordam os principais elementos da normativa municipal.[...+]
ATURUXO anuncia actos do Orgulho LGTB
A Federaçom de Associaçons LGTB da Galiza, ATURUXO, vem de anunciar as actividades programadas em Compostela com motivo do Dia do Orgulho LGTB, que este ano desenvolveram-se sob a legenda “Existo, por que nom me vês? Mulher, lésbica, visível”. As actividades programadas por ATURUXO, começam às 13h00 no Parque de Belvis com a organizaçom dum maripiquenique e umha foliada e que dará passo à manifestaçom do Orgulho que partirá às 18h00 da Alameda e percorrerá as ruas de Compostela.[...+]
Dous jovens antimilitaristas som condenad@s e o terceiro absolvido no julgamento da BRILAT
A passada semana os julgados de Ponte Vedra notificavam a sentença do juizo contra @s três jovens antimilitaristas acusados de injúrias ao exército espanhol e maltrato a membros das FA. A sentença recolhia a absoluçom do companheiro Anjo Torres dos dous delitos imputados, assim como a d@s companheir@s Alexandre Rios e Antia Marinho do delito de maltrato a membro das forças armadas. Mas nom acontecia assim com o delito de injúrias ao exército espanhol, polo que ambos fôrom condenad@s ao pago dumha multa de 2190 euros cada um/umha. [...+]
Siareir@s Galeg@s organiza nova ediçom das suas Jornadas nacionais
Os próximos dias 13 e 14 de Junho, a cidade de Ourense, acolhará umha nova ediçom das Jornadas nacionais organizadas pola entidade em defesa das selecçons nacionais Siareir@s Galeg@s. Como na passada ediçom, celebrada na cidade de Ponte Vedra, há agora um ano, as Jornadas combinarám a reflexom sobre a luita que desenvolve o colectivo com o convívio, a festa e o desporto.[...+]
Novas galerias da campanha dos 366 murais
Nos dias nos que ponhemos em marcha umha nova campanha nacional, oferecemos-vos duas novas galerias da campanha "366 dias de dissidência. 366 murais de subversom". Desta volta subimos duas novas galerias de murais realizados em várias comarcas do País e de temáticas diversas, tais como a defesa do galego, a luita operária, o combate internacionalista ou o orgulho LGTB.[...+]
Quem cho impede? Liberdade sexual, o nosso direito
“Quem cho impede? Liberdade sexual, o nosso direito” é a legenda da nova campanha nacional que BRIGA desenvolverá nos próximos meses com o objectivo de contestar a permanente e criminal repressom e controlo das sexualidades, especialmente da juventude, por parte do capitalismo e o patriarcado. A intervençom juvenil da esquerda independentista galega, e nom só, tem enfermado historicamente de diferentes lacunas ideológicas que lastrárom a sua introduçom e referencialidade social no seu agir político quotidiano. Umha das mais flagrantes destas ausências foi o tratamento da sexualidade e o processo vital de socializaçom, experimentaçom, relacionamento e autoconscienciaçom do próprio corpo ligado a ela, que no referido à juventude configura um campo fulcral para entender os mecanismos que o capitalismo e o patriarcado empregam para perpetuar o actual modelo de exploraçom social e económico.[...+]
Assembleia de constuiçom dum colectivo de solidariedade com Venezuela
Na manhám do Sábado 7 de Julho, terá lugar na Casa do Imigrante do bairro do Calvário de Vigo, a assembleia constituinte da Associaçom Galega de Amizade com a Revoluçom Bolivariana (AGARB), que culminará um processo de contactos e reunions para por em marcha este colectivo internacionalista. O Comité promotor desta nova entidade, que se define como umha “organizaçom popular sem ánimo de lucro, enquadrada nos parámetros da esquerda soberanista e anticapitalista galega”, constituirá-se com os seguintes objectivos[...+]