Confirmados grupos do concerto do 24 de Julho
Por terceiro ano consecutivo, o concerto organiza por BRIGA será um dos protagonistas das actividades organizadas na véspera do Dia da Pátria, jornada na que o protagonismo corresponde a juventude organizada e precede às mobilizaçons nacionais do 25 de Julho. Como nos dous anteriores, o concerto organizado por BRIGA combinará a melhor música galega com a presença de grupos ponteiros da cena alternativa internacional, o grupo catalám Obrint Pas. No que se refire aos grupos galegos, o cartaz completa-se com Trapalhada e os já clássicos Skacha e Skárnio.[...+]
Polícia Local aborta tentativa de retirar a bandeira espanhola do Orçám
Apenas transcorridos minuto e meio da tentativa, primeiro um carro patrulha, segundos mais tarde um carro da polícia à paisana e algo depois umha carrinha foi que conformárom o despregue policial que empeceu a acçom d@s jovens, que após ser identificad@s serám com toda seguridade denunciados e processad@s pola tentativa.[...+]
Causa Galiza convoca mobilizaçom no Dia da Pátria
O passado Sábado 14 de Julho decorreu em Compostela a apresentaçom pública de Causa Galiza, umha nova entidade nacional nascida com o intuito de aglutinar a todas aquelas pessoas, organizaçons e colectivos enquadradas no soberanismo de esquerda. A apresentaçom pública desta nova tentativa de aglutinar aos sectores da esquerda autodeterminista, também serviu para anunciar a convocatória unitária neste Dia da Pátria dumha mobilizaçom nacional que partirá às 13h00 da Alameda de Compostela sob a legenda “Autodeterminaçom”.[...+]
III Jornada de Rebeliom Juvenil. Independência e Socialismo
Após ao intenso trabalho da juventude independentista ao longo dos meses prévios ao Dia da Pátria já está fechado o cartaz das actividades do 24 de Julho. As III Jornadas de Rebeliom Juvenil terám lugar mais um ano em Belvis. Neste comprido e verde espaço central compostelano realizará-se sob a legenda "Independência e Socialismo" um acto político ao que seguirá um concerto onde o protagonismo será especialmente para os grupos galegos.[...+]
Mobilizaçom contra a entrada dum novo gaseiro na Ria de Ferrol
Coincidindo com a entrada do quinto gaseiro na Ria de Ferrol, prevista para a pleamar diurna da sexta-feira 13 de Julho, o Comité de Emergência vem de convocar umha concentraçom no Porto de Curujeiras apartir das 16h30. Após um breve paréntese, o movimento contra a Planta de Gas retoma a via das mobilizaçons num claro sintoma de recuperaçom que de seguro fará possível ampliar os amplos apoios recebidos na luita contra a ilegal localizaçom de Reganosa em pleno corazom da Ria de Ferrol.[...+]
Mais agitaçom juvenil em Ferrol
Na sexta-feira militantes de BRIGA realizárom em Ferrol um novo mural, desta vez no histórico bairro obreiro de Esteiro. A menos dum mês da celebraçom do Dia da Pátria, o Grupo de Base escolheu a legenda Independência junto com os iconos representativos da luita polo socialismo, o anti-patriarcado, o reintegracionismo ou a liberdade sexual. @s militantes que realizarom o mural nom se livrarom da identificaçom por parte da Polícia Local que apesar de este realizar-se numha parede dum prédio abandonado e estado quase ruinoso, tratarom de intimidar com a sua presença às/aos jovens.[...+]
Grupo de Base de Ponte Vedra edita segundo número de Ponte à Rebeliom
O Grupo de Base de BRIGA em Ponte Vedra vem de tirar o segundo número do seu vozeiro, Ponte à Rebeliom. Neste novo número da publicaçom repite-se a distribuiçom de conteúdos do primeiro vozeiro que distribuia o seu espaço entre textos adicados à editorial, à análise, a novas curtas e, para rematar, a umha entrevista que ocupava a contracapa.[...+]
Clube de rol pontevedrês estreia blogue
O clube de rol Tuata dé Danann vém de lançar um novo espaço na rede. O seu novo blogue informa sobre diferentes actividades de ócio relacionados com os jogos de rol organizadas por este colectivo, além de contar com um foro, loja com material à venda da associaçom, secçom de notícias, música on-line, etc.[...+]
Na rua o primeiro número do vozeiro de BRIGA em Compostela
Se no mês de Maio dávamos conta da publicaçom do primeiro número do Pedra Vermelha, folha de agitaçom de BRIGA em Compostela, com o objectivo de reproduzir os principais posicionamentos do Grupo de Base, hoje informamos da ediçom doutra publicaçom deste Grupo de Base, desta vez o seu vozeiro, o AZOAR. Neste primeiro número, além dumha editorial sobre os objectivos desta nova publicaçom, há artigos sobre o 1º de Maio, sobre a segunda ediçom do Sons Jovens em Compostela, que decorreu o passado mês de Maio na Praça 8 de Março, e sobre o trabalho desenvolvido pola Plataforma contra a criminalizaçom da Juventude contra a Ordenança Municipal de Resíduos e Limpeza Viária. Além do mais, o AZOAR conta com umha secçom de novas breves[...+]
Apresentaçom de BRIGA em Catoira
A passada sexta-feira dia 15 decorreu a apresentaçom de BRIGA em Catoira com umha palestra na que participarom um companheiro do recém constituido Grupo de Base, Daniel Lourenço em representaçom da Mesa Nacional de BRIGA e Senim Gonçalves, militante de AGIR, que complementou com um olhar à luita estudantil a realidade do movimento juvenil na Galiza. A constituiçom do Grupo de Base culmina meses de trabalho juvenil em Catoira e pretende servir de alavanca para próximas actividades e campanhas nesta vila da Comarca de Caldas.[...+]