Auto-organizaçom do lazer juvenil também em Ponte Vedra
O Sábado 19 de Maio o Colectivo Painkiller, associaçom formada por jovens da comarca de Ponte Vedra para a promoçom da música metal, organiza a segunda ediçom do Concerto de Metal do Teucro. Com esta iniciativa, que se soma a umha intensa actividade do colectivo juvenil nos últimos meses, pretendem tirar do ostracismo a bandas de metal nóveis, excluídas dos circuítos comercias ou institucionais, oferecendo-lhe a possibilidade de participar num concerto num espaço público e aberto. [...+]
Sons jovens em Compostela´07. A rua é nossa
A próxima sexta-feira 18 de Maio terá lugar na Praça 8 de Março, na Porta do Caminho, a segunda ediçom do Sons Jovens, que organiza o Grupo de Base de BRIGA em Compostela. O cartaz do Sons jovens em Compostela´07, que dará começo às 21h30, participarám três conjuntos. Os primeiros em intervir serám O Chícharo Psicótico, banda de punk-rock, que darám passo a Diskordia. Encerrará esta segunda ediçom do Sons Jovens o rock de série B de Ataque Esacampe. Com esta nova ediçom do Sons Jovens, convocado sob a palavra de ordem "A rua é nossa", as Festas de Compostela contarám mais um ano com um espaço alternativo ao programa intitucional desenhado polo Concelho, que como já é habitual, discrimina a música feita pol@s jovens da comarca em favor da contraçom das "estrelas" televissivas do momento.[...+]
Crónica da mesa-redonda sobre jovens e Estatuto
Na passada sexta-feira 11 de Maio tivo lugar no Centro Social A Revira, em Ponte Vedra, tal e como informávamos deste web, a palestra "A juventude galega e a reforma do estatuto". O acto ajuntou por volta de duas dezenas de pessoas e acabou cum interessante colóquio entre o público assistente e @s representantes das organizaçons juvenis lá presentes.[...+]
Festa do Dezassete que se fai o doze
Num lugar destacado entre os diferentes actos e convocatórias que se celebram arredor do Dia das Letras Galegas, a Festa do Dezassete da Gentalha do Pichel ocupa um lugar destacado. Mais um ano a Gentalha do Pichel achega um completo programa no que combina multidom de actividades que convertiram o Sábado 12 de Maio Compostela num fervedoiro associativo e cultural.[...+]
O ensino na Galiza, sempre ao serviço da espanholizaçom da juventude
Achegamos um artigo de opiniom do jovem militante independentista Afonso Mendes, no que reflexiona sobre a contínua perda de galego-falantes entre a gente mais nova e o papel central que tem neste processo umha escola espanholizada, ao serviçom dum modelo culural alheio.[...+]
Sucesso da mesa-redonda sobre a Revoluçom Cubana
O Grupo de Base da Corunha reuniu meio centenar de pessoas com a Associaçom de Amizade Galego Cubana Francisco Vilhamil e com o Cónsul de Cuba na Galiza para falarem e debaterem sobre a solidariedade galega com Cuba e sobre a situaçom actual da ilha durante duas horas. Moncho Leal e Alejandro Fuentes fôrom convidados por BRIGA para falarem na Associaçom Cultural Alexandre Bóveda da Corunha sobre a Revoluçom Cubana.[...+]
Ampla participaçom nas mobilizaçons em defesa do território
BRIGA participou nas mobilizaçons em defesa do território e do meio-ambiente convocadas o passado fim de semana em Ponte Vedra e Compostela. A primeira das mobilizaçons foi a tradicional marcha anual convocada pola Plataforma em Defesa da Ria de Ponte Vedra que percorreu o trajecto entre a Alameda de Ponte Vedra e o complexo de ENCE o Sábado 5 de Maio. BRIGA participou nesta marcha com faixa própria, denunciando a responsabilidade directa da fábrica de celulose de ENCE Elnosa na destruiçom do ecossistema da Ria, e exigir o encerramento da mesma.[...+]
Um olhar à Revoluçom Cubana
O Grupo de Base de BRIGA na Corunha organiza a próxima segunda-feira 7 de Maio umha palestra intitulada “Um olhar à Revoluçom Cubana” na que participarám Moncho Leal, activista da Associaçom de Amizade Galego Cubana Francisco Vilhamil, e Alejandro Fuentes, Cónsul de Cuba na Galiza. O acto, que terá lugar na Associaçom Cultural Alexandre Bóveda da Corunha apartir das 20h30, servirá para achegar umha outra vissom sobre a ilha e a Revoluçom Cubana, antogónica com as contínuas intoxicaçons que lançam os médios de (des)informaçom ao serviço do imperialismo.[...+]
Mesa-redonda sobre Estatuto e juventude em Ponte Vedra
A próxima sexta-feira 11 de Maio A Revira organiza e acolhe umha mesa-redonda com representantes das organizaçons juvenís Isca!, AMI e BRIGA sob o título "A juventude galega e a reforma do estatuto". O Centro Social A Revira propom um interesante debate que de seguro servirá para achegar novas reflexons sobre a reforma dos Estatutos em chave juvenil, umha óptica invisibilizada nos grandes meios de comunicaçom.[...+]
BRIGA participará nas mobilizaçons contra a devastaçom do nosso território
Os próximos dias 5 e 6 de Maio as pessoas e organizaçons comprometidas com a defesa do meio natural tenhem duas citas ineludíveis em Ponte Vedra e em Compostela. O Sábado 6 de Maio Ponte Vedra acolherá um ano mais umha grande mobilizaçom para esigir o encerramento inadiável da fábrica de celulose de ENCE Elnosa. Numerosas organizaçons e colectivos sociais, entre eles a esquerda independentista, participam nesta convocatória que parte às 19h00 da Alameda e marchará polas ruas da cidade para por de manifesto a aplastante maioria social que exige o desmantelamento de ENCE, principal responsável da destruiçom do ecossistema da Ria.[...+]