Grupo de Base de Vigo edita exposiçom “As luitas operárias em Vigo. 1972-2010”

Abril 2011

Neste 1º de Maio o Grupo de Base de Vigo apresentará umha exposiçom sobre o importante papel da classe trabalhadora da cidade de Vigo no desenvolvimento das grandes luitas obreiras destes últimos 40 anos. Assim, a exposiçom compom-se dumha resenha histórica acompanhada de imagens sobre as acontecimentos da Greve de Setembro de 1972, que polas suas características concretas, a decisom e valentia dos e das trabalhadoras que resistírom a brutal repressom franquista, e a auto-organizaçom obreira atingida, marcaria o nascimento do Movimento Operário Galego.

Na exposiçom poderemos olhar e ler como a classe trabalhadora e o proletariado metalúrgico plantou cara aos planos neoliberais e imperialistas desenhados polo capitalismo europeu e estadunidense, e aplicados por Felipe González nas três Greves Gerais de 1984.

Na exposiçom também poderemos atopar umha análise sobre as Greves Gerais Nacionais de 2001 e 2002, onde a classe trabalhadora demonstrou toda a sua força paralisando a reforma laboral do governo de Aznar, e ainda as greves do proletariado do sector do metal de 2007 e 2009. Por último, expom-se a luita da Greve Geral de 29 de Setembro do ano 2010 e o grande sucesso que atingiu esta jornada na cidade.

Este trabalho estará a disposiçom do público desde o 1º de Maio até finais do mês de Maio no CS LUME!