Xerfas, o vozeiro nacional de BRIGA, volve estar nas ruas

Junho 2011

Dentro da recuperaçom que este curso político vimos realizando da propaganda nacional, sobre todo através da ediçom de vários números da folha agitativa A Pé de Rua, tiramos esta semana o primeiro número do curso e sétimo histórico do vozeiro nacional da organizaçom, o XERFAS.

Após umha longa temporada de ausência nas ruas, o principal formato de expressom em papel da juventude organizada em BRIGA volve distribuir-se polo País adiante com o seu modelo original. Trata-se dum número que recolhe parte do trabalho e análises efetuadas ao longo dos três primeiros meses deste ano, além dumha editorial e outras informaçons inêditas.

Aguardamos que tenha umha boa acolhida e sirva para o objetivo principal que um jornal juvenil da esquerda nacional pode ter: comunicar por e para a juventude, sem hipótecas com nengum poder, umha mensagem de rebeliom para a conscientizaçom, a autoformaçom e a propagaçom das atividades pola independência, o socialismo e o antipatriarcado.

Se quigeres receber um exemplar, podes comunicar-te com nós através da secçom de "contacto" deste mesmo portal.