Massiva mobilizaçom polo traslado de ENCE
Junho de 2005
Mais de 50.000 pessoas participárom na mobilizaçom que percorreu o Sábado 4 de Junho várias ruas de Ponte Vedra sob a palavra de ordem "Pola recuperaçom da ria, a saude e mais postos de trabalho, Ence fora de Louriçám". A marcha foi convocada por mais de 150 colectivos e organizaçons políticas, sindicais, ecologistas e sociais, participou activamente a esquerda independentista, entre elas BRIGA. Esta manifestaçom foi mais umha demonstraçom da vontade do povo galego, que longe de acreditar nas falácias do Partido Popular, da patronal e dos sindicatos vendidos e espanhóis, voltou a dizer bem alto e claro que quer fora a factoria pasteira, verdadeira culpável da destruiçom do ecossistema da Ria.
BRIGA aproveitou a mobilizaçom para denunciar o processo repressivo da que é objecto a organizaçom por parte do PSOE e a Guardia Civil e que ameaça com a ilegalizaçom e o processamento de vári@s jovens sob a acussaçom de associaçom ilícita.
4 de Junho em Ponte Vedra, tod@s contra ENCE
Numerosas organizaçons e colectivos sociais impulsionárom esta convocatória unitária, entre eles a esquerda independentista, quem nom faltará no dia no que se porá de manifesto a aplastante maioria social que exige o fechamento de ENCE, o grande apoio popular que vém demonstrando a reivindicaçom ecologista nos últimos anos.
BRIGA aproveitará a ocasiom para denunciar a culpabilidade directa de ENCE na destruiçom do ecossistema da ria, que na actualidade nom chega nem a um reflexo retorto do que era antes da instalaçom da factoria em anos cinqüenta. As altíssimas concentraçons de mercúrio (supera 50 vezes os níveis doutras rias), o demencial volume de vertidos (o equivalente a toda a área de Vigo, quase o 20% dos efluentes totais de toda a populaçom galega da costa), tenhem transformado o que era um área de grande riqueza ecológica num cemitério biológico.
A juventude da esquerda independentista nom se deixa enganar polas mentiras do sindicalismo espanholista de UGT e CCOO, conhecidos pola sua obediência à patronal e ao capitalismo espanhol, nem polo funambulismo político do PSOE, sempre disposto a somar-se a qualquer reivindicaçom popular para ganhar votos. A argumentaçom demagógica sobre a pretendida criaçom de postos de trabalho é umha falácia interessada, difundida desde o conselho de administraçom de ENCE e os dirigentes de Caixa Galicia: @s jovens galeg@s sabemos quem é o verdadeiro culpável da falta de postos de trabalho: O capitalismo espanhol e os seus embaixadores políticos.
Agora, este sábado, e até que seja necessário, a organizaçom exige o fechamento de ENCE.
ENCE fora de Louriçám!!!
Nom à destruiçom ecológica das nossas rias!!!
Capitalismo espanhol culpável!!!