Finalizou campanha polo 24 de Julho
Acabou a campanha polo 24 de Julho atingindo polo menos boa parte dos concelhos das principais comarcas do País.
@s jovens organizad@s em BRIGA levamos assim várias semanas mostrando-nos nas ruas das nossas cidades e vilas, chamando à rebeliom contra Espanha, contra o que significa, contra a condena à miséria e ao neoescravagismo de milhares de famílias e de jovens galegas e galegos, vítimas do saque e destruiçom dumha naçom sobmetida a umha castraçom secular.
Vítimas da economia de mercado que sustena o projeto nacional espanhol, permanecemos junguid@s a umha economia tericarizada de condiçons indignas, de sobreexploraçom, e de coerçom permanente. Agarrad@s ademais pola alienaçom do poder adulto e a desesperança e afliçom nos nossos rostos e corpos por um dia a dia sem sentido, que só cobra originalidade e autenticidade na luita organizada contra o poderoso.
As mulheres de BRIGA chamamos ademais as nossas irmás galegas, a que o Dia da Pátria seja o dia dumha Galiza feminina em que o inimigo espanhol veste de crego difamador, de professor baboso, de companheiro dominante, de amigo paternalista, de patrom orgulhoso. E a Galiza dos nossos anceios veste livre de sexismo e ataduras pseudomoralistas.
Deixamos-vos mais umha pequena seleçom de imagens e chamamos-vos mais umha vez a estar hoje dia 24 de Julho a partir das 22 horas em Porta Faxeira. Amanhá 25 de Julho às 12,30 na Alameda. E a partir de entom e por sempre, mao a mao com a juventude independentista, socialista e antipatriarcal.
VIVA GALIZA CEIVE, SOCIALISTA E FEMINISTA!
VIVA O DIA DA PÁTRIA!
ORGANIZA-TE E LUITA!
Mural em Carvalho
Mural em Malpica
Faixa em Compostela
Faixa em Trasancos
Colagem em Noia
Faixa em Vigo
Faixa em Vigo
Mais agitaçom em Vigo