Por umhas festas da juventude. Nom às espanholadas. Nom às touradas

Agosto 2011

Os jornais burgueses afanam-se em oferecer com grandes fastos umha celebraçom alheia aos interesses lúdicos da juventude trabalhadora galega. Em BRIGA, como organizaçom juvenil, estamos organizad@s jovens obreir@s que pagamos com o nosso trabalho e impostos os dinheiros públicos com que se organizam estes eventos. Esta semana A Corunha e Ponte Vedra estám inçadas de propaganda "taurina". Assim se denomina às festas de matança gratuita do touro entre vítores pola qual obtenhem lucros insultantes uns quantos homens do panorama "rosa" espanhol.

Nom nos interessam estas festas. Está provado que ano após ano dam perdas, som um fracasso de público, e nom obstante os concelhos nomeados, além doutros menores e mais extravagantes ainda, -caso de Sárria ou Moinhos- continuam zugando-nos para encher as nossas cidades e vilas de propaganda e acondicionar as melhores praças para esta festividade alheia à cultura nacional. Espanha utiliza "os touros" como programa de dominaçom e hegemonia cultural, apesar do seu desastre que mesmo comporta perdas económicas na Galiza.

Há muitos motivos para rechaçar esta festa: a recriaçom na dor animal, a sua imposiçom pseudo-cultural associada ao espetáculo alienante fomentado polo poder, o seu machismo cavernícola, o seu espanholismo rampante, etcétera.

Os e as jovens da Galiza nom queremos espanholadas para comparsa dos ricachons espanhóis que venhem passar uns dias nas nossas festas estivais. Queremos umhas festas populares feitas polos movimentos sociais adequadas à realidade de crise económica que vivemos, e que se orientem politicamente para estender a rebeliom e a consciência de luita, nacional, de género e de classe.

FORA FESTAS ESPANHOLAS DA GALIZA!
NOM ÀS TOURADAS!

CONCENTRAÇOM NA CORUNHA:
SÁBADO 6 ÀS 19 HORAS NA PRAÇA MARIA PITA

MANIFESTAÇOM EM PONTE VEDRA:
SÁBADO 13 ÀS 20 HORAS DESDE A PRAÇA DA PEREGRINA