Governo espanhol pretende importantes sançons a jovens independentistas

Novembro 2011

Vári@s jovens estám a receber estes dias sançons administrativas da Subdelegaçom do Governo espanhol quantificadas em 500€ efetivizando umha denúncia feita pola polícia espanhola. O motivo? Ter supostamente participado na manifestaçom da Jornada de Rebeliom Juvenil que, como é de público conhecimento, nom chegou a iniciar-se.

Segundo a versom policial, um grupo de 30 jovens concentrou-se em Porta Faxeira com a intençom de participar numha marcha ilegalizada pola Subdelegaçom do Governo. Porém, à volta das 22 horas do 24 de Julho em Porta Faxeira havia dúzias e dúzias de pessoas, sem que nengumha delas poda ser imputada por pretender participar num ato que nom tivo lugar a menos que seja por indícios baseados na repressom seletiva. Isto nada tem a ver com o direito das pessoas à presunçom de inocência e à seguridade jurídica, baseada na utilizaçom de provas, nom meros indícios persecutórios, sobre a comissom dalgum ilícito.

Lembremos que dous grupos de jovens foram retidos vinte minutos antes na rua Quiroga Palácios (a muita distáncia de Porta Faxeira) e identificad@s lá, porque tinham "toda a pinta" de ir à marcha de BRIGA. Mas a denúncia remetida pola Subdelegaçom do Governo fala de identificaçons realizadas na própria Porta Faxeira.

Em qualquer caso, e além dos pertinentes recursos que apresentaremos contra este assédio do governo espanhol para amedrentar a juventude rebelde, reclamamos mais umha vez que a rua é nossa, e que o nosso direito a tomá-la é irrenunciável e inegociável. Está por riba do direito burguês à utilizaçom dos corpos repressivos para, estes sim, ocupá-las a paus e impedir a expressom de manifestaçons contrárias aos interesses do poder.

Por último, aproveitamos esta nova para chamar à sua difusom e assim facilitar que todas as pessoas que se vejam afetadas pola denúncia em massa podam pôr-se em contato com nós através do nosso correio-e nacional: nacional@briga-galiza.org

NOM NOS PARARÁM! A RUA É NOSSA, NOM DA POLÍCIA!

Polícia bota das ruas jovens por portarem símbolos