Violência policial e criminalizaçom mediática contra jovens ocupantes da Sala Iago

Novembro 2011

A emblemática "sala Yago" de compostela fora ocupada pacificamente a semana passada por um grupo de jovens. Hoje, desde a manhá, unidades policiais espanholas despejam-no violentamente. Um inmenso despregamento policial, a que nos tenhem acostumad@s na capital do País, encarregava-se de pôr fim às atividades de dinamizaçom iniciadas havia uns dias.

A gestom do grupo de governo local, mui beligerante com a ocupaçom, e o temor das "forças vivas" da se reproduzirem na cidade movimentos juvenis que acabam por acaparar certo prestígio popular à volta da utilizaçom de prédios abandonados, estám por trás desta rapidíssima intervençom policial que conlevou várias cargas e contusons às pessoas solidárias que se achegárom para berrar a favor da ocupaçom.

Em médio dumha crise que condena milhares de jovens à falta de vivenda, o sistema oferece paus para quem atopam refúgio para a convivência nas milhares de vivendas e prédios que esmorecem desabitadas à ainda recente calor do boom imobiliário que tantos lucros gerou para políticos, banqueiros e empresários.

BRIGA quer condenar sem paliativos o despejo. E também, a atuaçom paralela dos maios de comunicaçom burgueses, com La Voz à cabeça, que sem ter transcorrida apenas três horas do início do despejo já estendiam as consignas habituais de "possessom de artefactos incendiários", ou perlas como "material presto para preparar cócteis molotov" e o concluente "material arreboladiço". A compenetraçom entre o trabalho policial e o "jornalístico" está a funcionar à perfeiçom.

Por último, queremos chamar à solidariedade com as onze pessoas que polo momento se anunciam detidas, e a participar nos atos de apoio com quem estám a passar horas na esquadra policial e a ser criminalizad@s por construir espaços fora da lógica capitalista. Às 20,30 horas na Porta do Caminho estaremos por eles e elas.

SOLIDARIEDADE COM @S DETID@S !

ORGANIZA-TE E LUITA!

Cargas na zona velha