Instituiçons burguesas oferecem dados sócio-laborais díspares
Dezembro 2011A funcionalidade dos organismos oficiais espanhóis em matéria de estatísticas emprego, para além da sua lamentável duplicidade, está a transladar umha deficiente informaçom. A juventude trabalhadora galega deve refletir sobre esta perda de fiabilidade dos organismos burgueses que servem de matriz dos dados que se esparexem a seguir polos media.
Atualmente, a Estatística de Populaçom Ativa (EPA) dependente do Instituto Nacional de Estatística (INE), cifra em 917.000 as pessoas menores de 26 anos no desemprego no Estado espanhol, percentualmente equivalentes a 46,3% do total.
Pola sua banda, o Serviço Público Estatal de Emprego (SPEE), antigo Instituto Nacional de Emprego, dependente do Ministério de Trabalho, baixa até as 476.000 pessoas menores de 26 anos as ativas desempregadas.
E o Eurostat da comunidade europeia, sobe a cifra a 48%, 948.000 no total.
Com esta informaçom apenas pretendemos demonstrar com as próprias fontes do sistema, como é que se pode tergiversar, manipular, ocultar e, sobretodo, criar confusom e incredulidade entre a populaçom sobre as macrocifras que pretendem resumir a gravíssima situaçom sócio-laboral da juventude trabalhadora.