BRIGA anúncia intensa campanha contra a sua ilegalizaçom
Especial STOP repressom!!
Junho de 2005
BRIGA celebrou o Sábado 11 de Junho na Corunha umha conferência de imprensa com o objectivo denunciar o actual processo repressivo que está a sofrer a organizaçom por parte da Guardia Civil. Neste acto intervírom @s seis jovens vítimas das detençons indiscriminadas que forom calurosamente arroupad@s por dezenas de moç@s solidári@s.
@s jovens aproveitárom para fazer um relatório informativo do actual estado da agressom repressiva, assim como para apresentar a campanha que sob a legenda STOP repressom contra a juventude galega será levada a cabo como resposta, deitando luz sobre a inexcusável perseguiçom política que a Guardia Civil e o governo espanhol está levando a cabo contra a organizaçom.
Continuando a linha seguida estes dias passados, os meios de comunicaçom do sistema - com umha única excepçom - nom assistírom à convocatória da conferência, demonstrando a sua adscriçom e partidismo, a sua instrumentalizaçom política em funçom das necessidades de cada governo, independentemente de se se trata do PP ou do PSOE.
Após a mesma, tivo lugar umha reuniom nacional, na que a porta fechada se debatêrom as próximas actividades de denúncia e auto-defesa que a organizaçom vai tomar para contrarrestar o intento de ilegalizaçom de BRIGA.
Este acto, assim como a reuniom posterior sirvem de ponto de partida para o início dumha intensa campanha que além da resposta legal as acusaçons e possível ilegalizaçom, centrara-se na denúncia contundente da operaçom repressiva assim como na procura de apoios de organizaçons, colectivos e pessoas a título individual. Nos próximos dias, iremos informando das iniciativas e das actividades que se levarám a cabo para defender o direito à rebeliom da juventude galega.