BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Conselheira frivoliza com a emigraçom da juventude galega

imagem Dezembro 2011

A conselheria de Trabalho e Bem-estar declarou no parlamento autonómico que a juventude galega nom emigra por falta de oportunidades, senom basicamente para formar-se no exterior e meramente de forma temporária. Apelando às idealizaçons do cosmopolitismo burguês, sinalou convencida que "vivemos num mundo sem fronteiras", adoçando com declamaçons posmodernas a terrível carga do abandono massivo do País para procurar possibilidades de vida fora.

PSOE e BNG, que em nengum momento da sua gestom fôrom capazes nom já de frear a fugida, mas inclusive de propor alternativas políticas encaminhadas cara a independência em políticas de emprego com um programa de revitalizaçom dos setores produtivos e da sua expansom, utilizárom as brutais cifras migratórias anuais da mocidade, de até cinco dígitos, para fustigar o governo de Feijó.

A falta de assunçom por parte da conselheira de responsabilidades que competem ao governo autonómico para combater a avançada e permanente perda da mao de obra formada no País, é umha demonstraçom material do cativo que pode chegar a ser o "autogoverno" de Sam Caetano e revela a necessidade urgente que tem a juventude galega como parte do povo trabalhador galego de fugir dumha economia espanhola em bancarrota sobre os frágeis cimentos da especulaçom imobiliária, o "dinheiro negro", a vegetaçom de capitais em paradisos fiscais, ou o enriquecimento rápido no setor serviços dependente do turismo.

Por irresponsável e pola imensa falta de respeito à nossa dignidade como jovens galeg@s com direito ao trabalho digno na nossa terra, declaramos à conselheira Ana Mato inimiga da juventude trabalhadora galega.


CONTRA A EMIGRAÇOM JUVENIL: ORGANIZA-TE E LUITA!