BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Concelho corunhês colocará câmaras em espaços públicos de encontro juvenil

imagem

Especial STOP repressom!!

Abril 2012

O concelho da Corunha recebeu autorizaçom administrativa para instalar as câmaras de controlo dentro dos jardins de Méndez Núñez. Serám cinco instalaçons que gravarám permanentemente a rua, orientadas aos espaços de maior concentraçom juvenil nos dias de "botelhom". Mais umha vez, a concentraçom de jovens nas ruas das nossas cidades serve para aplicar políticas de policializaçom sob a escusa de desperfeitos e estragos ocasionados no mobiliário urbano.

BRIGA considera que a vinculaçom do lazer juvenil noturno com o consumo exagerado de álcool e outras drogas é umha questom de saúde e educaçom social, mui particularmente associada ao estado sociolaboral que reina entre a gente nova. Um país envolvido num presente escuro, e com um futuro em maos de corruptos e especuladores, multimilionários sem escrúpulos e acentuada marginalizaçom e exclusom social, é o marco idôneo para a expansom da desesperança e a procura nas drogas da alienaçom necessária para sobrelevar a dureza das condiçons de trabalho e a condena do desemprego.

Nom podemos esquecer tampouco como em plena campanha de recortes brutais colocados sobre o lombo do povo trabalhador, na vorágine de imensos benefícios de grandes empresas, sistemática corrupçom praticada pola classe política e desfalcos imunes em paradisos fiscais; neste panorama, sejamos @s jovens quem ocupemos páginas e páginas de propaganda orientada a confundir os inimigos das classes populares, incidindo reiteradamente em pontuais casos de danos ao imobiliário público de ínfimo custo em comparança com os brutais roubos ao erário público causados polos poderosos do capitalismo.

FORA CÂMARAS DOS ESPAÇOS PÚBLICOS!
STOP CRIMINALIZAÇOM DA JUVENTUDE!
Ver também o especial: STOP repressom!!