Novo número do vozeiro nacional com novo formato

Abril 2012

O último número do XERFAS, a nossa publicaçom vozeiro nacional, introduze notáveis mudanças que aperfeiçoam o desenho da mesma.

Desde a primavera de 2005 vínhamos trabalhando com um formato que damos por superado, optando por um modelo de revista mais tradicional que achamos mais prático e cuidado.

Agora, ademais, a nossa publicaçom nacional contém todo um repertório de seçons que alargam notavelmente a versom antiga. Páginas dedicadas à análise dum tema de atualidade, a editorial, novas breves, informaçom de atividades, seguimento da campanha nacional, umha reportagem e umha entrevista, desportos, internacional, recomendaçons de música, literatura e internet, loja de material próprio à venda, muitas imagens, etc... Umha completa oferta de conteúdos.

Pode conseguir-se polo simbólico preço de 1 euro, e é acessível em formato .pdf clicando na nossa área de Publicaçons na página web, onde já está subido com o histórico de números do XERFAS.

De resto, podedes contatar-nos para que vos enviemos um ou vários exemplares.

Esperamos que as novidades sejam para a vossa comodidade, e para continuardes através da leitura ao tanto da atualidade da juventude independentista com vocaçom propagandística e formativa.

Boa leitura!