BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Universidade continua incitando juventude a emigrar

imagem Maio 2012

Se há uns dias informávamos sobre a Universidade de Vigo, e o seu labor a prol da emigraçom como soluçom para as e os jovens licenciados, agora é a Universidade da Corunha quem propom idêntica receita.

Uninsert é umha iniciativa da Fundaçom da universidade corunhesa para assessorar o alunado respeito das saídas e das compatibilidades das titulaçons oficiais espanholas com as doutros estados. A semana passada organizava com sucesso um encontro em que fruto da desesperança estudantil e o oportunismo institucional, centos de jovens eram encorajad@s a emigrarem.

De BRIGA somos conscientes que milhares de jovens emigram cada ano do país, e nom é em absoluto intençom nossa culpabilizar quem marcha do país por fazê-lo, nem de procurar afora aquilo que lhe é negado aqui. Mas denunciamos veementemente como em plena crise a moral do poder permanece ancorada na fugida adiante, e a mostra que isto é da falta de alternativas imediatas ou a médio praço. Investir fundos públicos do ensino em promocionar a emigraçom de camadas juvenis formadas na Galiza pode parecer até lógico dadas as circunstáncias, mas é com certeza um sintoma da resignaçom, decrepitude e caos em que se encontram as instituiçons do regimem e o nulo poder transformador dum ensino público submetido às necessidades do capital.