Vam mais de 90 detençons pola GG em Catalunya. Novas detençons de jovens esta semana.

Maio 2012

As organizaçons juvenis catalanas CAJEI e MAULETS denunciam um processo de perseguiçom jurídico-policial que pretende vincular atos de luita obreira praticados durante a Greve Geral do passado 29 de março com associaçom ilícita e organizaçom criminal. Esta estratégia praticada polo estado já foi também aplicada na Galiza, onde a própria BRIGA foi encausada sob ordens da Guardia Civil pretendendo nada mais nascermos, ilegalizar-nos.

Durante os primeiros dias desta semana fôrom detidas várias pessoas, numha operaçom vinculada ao web de delaçom aberto pola conselharia de interior catalana para favorecer o chibateo. Entre as pessoas detidas figuram maioritariamente jovens militantes, entre as quais há um jovem de MAULETS, prendidas sob a imputaçom de desordens, danos, e outros que adquirem umha dimensom punitiva maior, como o de associaçom ilícita e integraçom em organizaçom criminal.

Embora nom manejamos dados fiáveis concretos sobre o número de pessoas detidas nas últimas horas nem a sua filiaçom política, sim podemos antecipar a nossa solidariedade com todas e todos em funçom da petiçom de apoio nacional e internacional que estám a demandar @s jovens da esquerda independentista catalana. Sugerimos continuardes o processo repressivo visitando os seus portais na rede cajei.cat e maulets.org.

SOLIDARIEDADE INTERNACIONALISTA!
A LUITA OBREIRA NOM É DELITO!
STOP REPRESSOM NOS PAÏSOS CATALANS!