Intervimos nas palestras polo Orgulho LGBT em Vigo e A Guarda
Julho 2012A passada quinta-feira, Dia do Orgulho LGTB, decorreu a palestra organizada pola Associaçom "Nós Mesmas" na Casa da Mulher de Vigo. À palestra, titulada "A LGTBfobia na Galiza e no mundo. Perpectiva actual", foram convidadas Amnistia Internacional e a nossa organizaçom. A militante de BRIGA Laura Guisantes começou a sua intervençom denunciando que "o Capitalismo, em simbiose com o Patriarcado, precisa da familia tradicional e polo tanto dos seus roles sexuais, para seguir perpetuando este sistema. Sabemos que nestes tempos de crise económica os “donos do mundo” lançam também a sua ofensiva lesbigaitransfóbica assinalando todo o transgressor como perigoso e aproveitando o clima de insatisfaçom e incompreensom do dia a dia para desviarem face a nós a raiva, que de nom ser desviada face a outros objetivos, poderia tombar o próprio sistema capitalista."
Ao final das intervençons, as assistentes participárom num debate sobre o "matrimonio homosexual", as discriminaçons contra o coletivo LGBT e o grande poder que tem atualmente a Igreja Católica no Estado espanhol.
E sexta-feira decorria no Centro Social Fuscalho da Guarda a palestra titulada "O combate à lesbigaitransfobia", na qual interveu BRIGA. Desta volta a militante Laura analisou que "as últimas concesons ao coletivo LGBT, vindas da mao do PSOE, tivérom a finalidade de rebaixar a tensom social acadada na altura dentro do movimento LGBT, e que é imprescindivel que este desperte da mercantilizaçom que o sistema fai do movimento assim como que recupere o espírito de luita de Greenwich, onde se demonstrou que frente à violência contínua que sempre mostram os de riba, bem organizadas pode-se-lhes plantar cara".
Por último, em ambas palestras a militante de BRIGA rematou com a enumeraçom dumha série de medidas e revindicaçons que som aplicáveis no imediato como: exigir educaçom sexual integral e transversal feita desde parámetros científicos em todos os centros de secundária; supressom de cualquer disciplina de religiom católica no ensino; organizaçom de obradoiros e palestras divulgativas sobre a sexualidade.
Palestra em Vigo