BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA saúda ARRAN, a nova organizaçom juvenil unitária da esquerda independentista catalá

imagem Julho 2012

A constituiçom há duas semanas de Arran, a organizaçom juvenil independentista, socialista e feminista catalana, responde a um processo histórico que tem levado duas entidades preexistentes, CAJEI e Maulets, ademais doutros coletivos juvenis, a somarem forças através da unidade orgánica. Pom-se fim a um período de negociaçons que levou 4 anos, mas que supom ao mesmo tempo um ponto, também de início, a umha carreira sem final pola revoluçom nos Països Catalans.

CAJEI e Maulets, ambas entidades irmás de BRIGA no oriente peninsular ibérico, desaparecem para unir todo o seu capital político numha só entidade com centenares de militantes em dezenas de assembleias polo território todo da sua naçom. De BRIGA saudamos a unidade de esforços das diferentes sensibilidades políticas da juventude da esquerda independentista catalá para combater a opressom patriarcal, espanhola e capitalista. A unidade de açom é mais um meio na luita pola liberdade dos povos oprimidos.

A ediçom do Rebrot deste ano 2012, conjunto de jornadas de convívio e lazer organizadas pola juventude rebelde catalá que se celebrarám nos próximos dias, constituirá o tiro de saída para a nova organizaçom

BRIGA envia umha calorosa e fonda aperta rebelde, desde umha outra ponta da península, aos companheiros e companheiras que tenhem feito este percurso cara a consolidaçom da autoorganizaçom juvenil. ARRAN já é o presente. A sua luita, semente dum futuro de liberdade.

VIVAM GALIZA E OS PAÏSOS CATALANS LLIURES!
A JUVENTUDE POLA INDEPENDÊNCIA, O SOCIALISMO E O FEMINISMO!

www.arran.cat