BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA vem de desenvolver a sua campanha por um trabalho digno

imagem

Nas últimas semanas, BRIGA vem de desenvolver umha intensa actividade com a sua campanha Por um trabalho digno para @s jovens, Acidentes laborais=Terrorismo patronal. Esta legenda que vem aparecendo em diversas comarcas da Galiza em pintadas e cartazes, é a palavra de ordem que a organizaçom está a empregar como denúncia ante a gravíssima situaçom laboral da mocidade galega, e como arma de defesa ante a intoxicadora e desinformativa campanha da Junta da Galiza.

Nestes dias de férias, as comarcas e ruas da Galiza som testemunhas do inconformismo da juventude que nom se deixa distraer com jogos de artifício, que demonstra que a mocidade deste País nom está anulada polo consumismo selvagem próprio destas datas, e que nom pensa aguardar a que outr@s lhes solucionem os seus problemas mais urgentes.

A Junta do PP tratou de silenciar a golpe de anúncios televisivos e de caros cartazes nas paragens de autocarro a realidade de centos de moç@s mort@s na Galiza ano após ano, de miles de baixas por acidentes totalmente evitáveis, e dos que som culpáveis empresas e proprietários com nome e apelidos. É evidente que nengumha ajuda nos pode chegar dum governo corrupto que em lugar de proteger a populaçom que di representar, dedica cartos públicos a lavar a face aos culpáveis desta situaçom, impulsionando políticas institucionais que nom tenhem nemgumha repercussom exceptuando a de dar umha apariência de normalidade que é totalmente falsa.