Querem converter Ponte Vedra em capital espanhola do desporto

Setembro 2012

Em apenas quinze dias, o líder autonomista que gere a alcaldia de Ponte Vedra tem alcançado o que parecia impossível: que umha pequena cidade periférica do estado espanhol governada polos pretensos comunistas e nacionalistas da UPG-BNG engalanem a localidade com a rojigualda até o fastio para acolher duas provas maes no "desporto nacional": umha etapa da Vuelta e mais um jogo da seleçom masculina espanhola de futebol.

Como nom cansam de repetir nos noticiários da RTVG, Ponte Vedra será a primeira cidade que a "tricampeá" visite em jogo amistoso oficial após a consecuçom, este verao, do terceiro título internacional consecutivo. Toda umha honra recebê-los, Mr Marshall!

Para mais, a seleçom contrincante, acompanhada do seu séquito de magnates, será a representante dum país mui caro para a elite político-económica espanhola: Arábia Saudita. Um estado em que se apedreia até a morte, se decapita ou também se ampara legalmente a amputaçom e a flagelaçom, por delitos tais como a magia, a bruxaria, apostasia, ou adultério. Todo isto quizais nom preocupasse muitos se nom fosse porque muitas das armas que protegem a família real e demais oligarcas do país assiático som de fabrico espanhol.

Um grandíssimo negócio para o ministério dirigido por Pedro Morenés, descendente dumha família nobiliária "grande de España" e que foi desde junho de 2010 director geral no Estado da empresa europeia de mísseis MBDA e até 2009 conselheiro de Instalaza SA, principal fabricante espanhola de bombas de fragmentaçom na altura.

Assim que de BRIGA sugerimos ao alcaide Lores que se deixe de brinquedos e convoque quanto antes umha convençom militar saudi-espanhola, com desfile incluido, para as prévias do jogo. Todo seja justificado polo fantástico protagonismo que pode alcançar a tam "noble y leal villa" de Ponte Vedra.

Entretanto, a estas alturas nom se conhece posicionamento crítico algum da mui convincente juventude progre do BNG.

FORA ESPANHA E OS SEUS LACAIOS!
LORES, ESPANHOL!
A GALEGA É A NOSSA SELEÇOM!