Comunicado polas detençons deste fim-de-semana

Setembro 2012

A foto corresponde ao delegado do Governo espanhol na Galiza, Samuel Juárez.

Com este comunicado BRIGA quer expressar umha rotunda mensagem de repulsa à política de repressom que está a aplicar Espanha no nosso país com a escusa da existência dumha alegada organizaçom armada. E também, ao funcionamento dos meios de comunicaçom convencionais como meros e lamentáveis transmissores das consignas policiais.

Dúzias de agentes "antiterroristas", alguns deles chegados de Madrid, participárom antontem numha operaçom para consumo mediático dirigida a focalizar a atençom sobre o movimento independentista, ao qual se acussa sistematicamente de qualquer incidente que tiver a ver com atacar símbolos do poder político e económico.

A dia de hoje, com a habitual falta de informaçom imposta polos tribunais e as leis de excepçom que mantenhem ilocalizáveis as pessoas detidas, e sem grandes novidades sobre as acusaçons, para além da terminologia genérica, a juventude independentista organizada em BRIGA quer enviar umha mensagem de solidariedade e de apoio a amizades, familiares e companheir@s dos detidos. Também desejamos fazer pública a nossa preocupaçom polo seu estado físico e anímico quando se acham sobmetidos a umha das maquinárias de violência mais brutais do mundo: a da polícia e a justícia espanholas.

Queremos vê-l@s fora.

LIBERDADE DETID@S!
SOLIDARIEDADE INDEPENDENTISTA!