Atividades polo Dia da Galiza Combatente

Outubro 2012

O próximo 11 de outubro é o Dia da Galiza Combatente. Umha jornada de reivindicaçom inaugurada pola organizaçom política NÓS-UP. Este ano 2012, a entidade política independentista escolheu a cidade da Corunha para o decurso do ato político em que se homenageará a figura do legendário combatente ordense Benigno Andrade "Foucelhas". Para difundir o seu legado editará-se um caderno e realizará-se umha palestra no mesmo dia 11 no Centro Social corunhês Gomes Gaioso.

BRIGA participará no decurso do evento central na praça Carlos I o seguinte dia 12 -sexta-feira-, a partir das 13.00h. Eva Cortinhas falará em nome da nossa organizaçom junto com a companheira de NÓS-UP, Rebeca Bravo.

Também em Ferrol haverá a tradicional oferenda floral aos combatentes Lola e José, mort@s em 1990 ao manipular um engenho explossivo dirigido contra os interesses do narcotráfico. Esta homenagem será a mesma quinta-feira dia 11, à tarde, no cemitério de Meirás (Valdovinho).

CONCERTO NA CORUNHA

Mas nom só isto. A juventude independentista organizada em BRIGA também realizará umha atividade própria. O dia 12, Os Tres Trebons e Fracasados de Antemano tocarám à noite no bairro corunhês de Monte Alto a partir das 20h30, na sala INOX.

O concerto será o colofom dum evento dedicado a render tributo aos exemplos mais grandes que, desde as raízes do nosso povo, tenhem assumido ao longo da história o dever de enfrentar o estado de cousas. De rebelar-se para parir um futuro melhor. De armar as suas maos e as suas obras e mensagens com as ferramentas mais acaídas que encontrárom.

Na atual conjuntura de descomposiçom do estado burguês, a reivindicaçom da coragem operária e popular frente aos inimigos de classe torna umha necessidade imperiosa para dotar a juventude trabalhadora dum espaço de encontro e referência na luita conseqüente com o ideal libertário do marxismo, a independência nacional e o feminismo de classe.

VIVA A GALIZA COMBATENTE!