BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Sucedidos eventos na XII ediçom do Dia da Galiza Combatente

imagem Outubro 2012

Durante a intensa jornada de reivindicaçom sexta-feira 12 de outubro, com o galho do Dia da Galiza Combatente, militantes de BRIGA participamos no comício político convocado por NÓS-UP nos Jardins de Carlos I da cidade herculina. Às palavras da companheira Rebeca Bravo precedêrom as da membro da Mesa Nacional de BRIGA Eva Cortinhas. Esta detalhou na sua alocuçom, em nome da nossa organizaçom, a proximidade histórica e vital do guerrilheiro e militante revolucionário Benigno Andrade "Foucelhas", homenageado na ediçom deste ano.

Ao longo do seu discurso, salientou-se a importáncia de preservar a autoorganizaçom militante frente à alienaçom opressiva amparada polo regimem capitalista espanhol, que manifesta com dados eloqüentes a sua progressiva incapacidade para representar os interesses da juventude trabalhadora de Galiza.

Mais tarde, depois dumha jornada sem chuvas, decorreria o anunciado evento festivo numha sala corunhesa. Os grupos locais Fracasados de Antemano e Os Tres Trebóns atuárom para umha audiência próxima às cem pessoas. À exitosa intervençom do primeiro grupo, que foi mui bem acolhida polo público, continuaria a dos três mais clássicos da música galega da cidade. A ambos grupos, a todas as pessoas que trabalhárom por fazer desta noitinha umha jornada de convívio agradável ao amparo da música nacional com conteúdo social, queremos agradecer imensamente o seu contributo.

Tanto antes da celebraçom do evento como no intermédio, o companheiro Xavier Rodrigues interviria em nome do Grupo de Base da comarca corunhesa, apelando à recuperaçom da memória da luita e à autoorganizaçom juvenil frente ao individualismo e a miséria rampantes.

VIVA A GALIZA COMBATENTE!