Concentraçom solidariedade defesa do galego

Outubro 2012

Amanhá dia 23 começam nos julgados de Compostela os julgamentos a 11 pessoas que estivêrom 9 de fevereiro de 2009 nas ruas da capital galega defendendo com orgulho a nossa língua frente à insultante mobilizaçom fascista promovida polo grupúsculo ultra Galicia Bilingüe.

Da Galiza que resiste dia após dia a imposiçom do espanhol, num genocídio lingüístico que Espanha leva praticando contra os povos que sobmete durante mais de 500 anos, @s galeg@s que saem a dar a cara ao fascismo som d@s mais conscientes da dramática situaçom que atravessa a língua no nosso país.

BRIGA estivo aquelas jornadas nas ruas, denunciando a ocupaçom espanholista das ruas e a falácia patrocinada por algumhas dezenas de pessoas que desconhecem completamente a realidade sociolingüística do nosso país, mais um rebanho de antigalegos sob as siglas da Falange, PP ou UPyD.

E mais de três anos depois, BRIGA volve fazer um chamamento à juventude para secundar a concentraçom que decorrerá a partir das 9h convocada pola organizaçom política NÓS-UP. As pessoas que enfrentam duras penas de prisom merecem o nosso apoio. Mas, sobre todo, o nosso país merece e necessita juventude que faga da sua língua bandeira da emancipaçom contra a destruiçom da nossa identidade como povo.

Terça-feira 23, às 9h nos julgados de Fontinhas.

CONTRA A IMPOSIÇOM DO ESPANHOL,
NA GALIZA EM GALEGO!