Convocatórias por Palestina
Novembro 2012Durante estas jornadas várias localidades do país vam mobilizar-se para dizer basta ao terrorismo do estado imperialista e racista de Israel. Umha nova operaçom de bombardeamentos aéreos tem a populaçom da depauperada Gaza sob a ameaça de morte permanente. Dúzias de habitantes deste gueto amuralhado já fôrom assassinados ao longo da semana passada nos despiadados lançamentos de artilharia israeli. Essa mesma artilharia com que negoceia o estado espanhol e as empresas de armamento que servírom de alavanca ao atual ministro de Defesa, o capitalista do terror Pedro Morenés.
A juventude obreira galega nom deve permanecer calada. O internacionalismo neste mundo de globalizaçom da miséria e do capital, do capital e da miséria, tem que fazer-se mais e mais forte. Mas nom só como contraponto ritual de denúncia contra o sionismo, mas para avançar na conscienciaçom social respeito da interdependência dos interesses capitalistas mundiais e as sacudidas que de quando em vez acarretam sobre oriente próximo. Umha história com um final escrito há muitos anos, que nom deixa de regar em sangue os povos oprimidos polo saque e ocupaçom dos recursos e ricos territórios das terras entre o mediterráneo e o mar Cáspio e o golfo Persa.
As e os palestinianos som a encenaçom dum drama mundial no qual levam a pior parte dum sistema económico injusto, criminal e predador. Nom sejamos cúmplices. Ergamos a bandeira dos povos que resistem. Adiramos às convocatórias contra a impunidade nazi-sionista.
ESTADO SIONISTA, ESTADO TERRORISTA!
PALESTINA VENCERÁ!
A Corunha, segunda-feira 19, 20:30h, no Obelisco Vigo, segunda-feira 19, 20:30, Farol de Príncipe O Barco de Valdeorras, segunda-feira 19, 20:30, frente ao Concelho Ferrol, segunda-feira 19, às 20:30, frente ao prédio administrativo da Junta, na Praça Amada Garcia. Cangas, segunda-feira 19, 20:00, frente ao Concelho