BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Mais um jovem acusado de terrorismo. Solidariedade com Hadriám!

imagem Janeiro 2013

O militante independentista Hadriám Mosquera permanece em maos das forças de ocupaçom espanholas à espera de ser transladado perante o juiz que instrue a causa que motivou a sua detençom na localidade de Ames.

O jovem de 27 anos denunciou onte a berros ter sido maltratado e ameaçado, segundo comentam pessoas que se achegárom para apoiá-lo ao pé da sua morada, onde se efetuou registo policial.

As acusaçons vertidas contra ele provenhem da Audiência Nacional espanhola e a Brigada de Informaçom da Polícia Nacional, canalizadas a conveniência através da imprensa burguesa, que procura enfeitar as suas novas com meias verdades, mentiras clamorosas, rumorologia, e pérfida intromissom na vida privada do detido.

Nom esqueçamos que, a efeitos legais, Hadriám Mosquera está em idêntica situaçom que o próprio alcaide da capital do país ou umha jovem concelheira da mesma localidade: imputado. Com a diferença de que "Senlheiro" é qualificado de perigoso para a populaçom galega e acai-lhe a aplicaçom da chamada lei antiterrorista.

Por isto, poderá permanecer incomunicado muitas horas, está em regimem de incomunicaçom sem garantias para a sua integridade física e sicológica, será transladado a Madrid, poderá passar anos em prisom preventiva, e ele e mais achegad@s terám que tragar caladamente com bombas desinformativas que se difundem imediatamente a milhons de pessoas sem opçom de defesa.

Ergamos a voz por um jovem consciente e combativo.
Contra a intoxicaçom e a criminalizaçom.
Liberdade para Senlheiro!

LIBERDADE PRES@S POLÍTICOS GALEG@S!